ვენერა ურუშაძე

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სხვა მნიშვნელობებისთვის იხილეთ ურუშაძე.

ვენერა გიორგის ასული ურუშაძე (დ. 8 სექტემბერი, 1909, ლანჩხუთი, — გ. 1991, თბილისი) — ქართველი ლიტერატურათმცოდნე, მთარგმნელი და პედაგოგი, საქართველოს მეცნიერების დამსახურებული მოღვაწე (1976), დოცენტი.

ბიოგრაფია[რედაქტირება | წყაროს რედაქტირება]

ვ. ურუშაძემ დაამთავრა თბილისის სახელმწიფო უნივერსიტეტის (თსუ) ფილოლოგიის ფაკულტეტი (1937). 1950-იდან ნაყოფიერ პედაგოგიურ და სამეცნიერო მოღვაწეობას ეწეოდა თსუ-ის ინგლისური ენის კათედრაზე. ინგლისურ ენაზე პირველი მხატვრული თარგმანები (მათ შორის ნ. ბარათაშვილის „მერანი“-ს თარგმანი) გამოაქვეყნა 1945 წელს. მას ეკუთვნის „ვეფხისტყაოსნის“ პირველი ინგლისური პოეტური თარგმანი (პირველად გამოიცა 1960 წელს). ინგლისურ ენაზე გამოსცა „ქართული პოეზიის ანთოლოგია“ (1948, 1958), შოთა რუსთაველის „აფორიზმები“ (1983) და ა. შ. შეადგინა და გამოსცა ინგლისური ენის სახელმძღვანელო და ქრესტომათია (1963, 1974). გამოაქვეყნა არა ერთი სტატია თარგმანის თეორიის საკითხებზე.

რესურსები ინტერნეტში[რედაქტირება | წყაროს რედაქტირება]