ვახტანგ არეშიძე

ვახტანგ მოსეს ძე არეშიძე (დ. 10 მარტი, 1909, თბილისი ― გ. 27 ივნისი, 1985, იქვე) — ქართველი მსახიობი, საქართველოს სსრ-ის დამსახურებული არტისტი (1946), საქართველოს სსრ-ის სახალხო არტისტი (1979).

ბიოგრაფია[რედაქტირება | წყაროს რედაქტირება]

1929 წელს დაამთავრა თბილისის პროლეტკულტის დრამატული სტუდია. 1929 –1936 მუშაობდა საქართველოს სხვადასხვა თეატრში. 1936 წლიდან თბილისის მოზარდ მაყურებელთა ქართული თეატრის მსახიობია. განასახიერა კომბლეს, ნიკოს (გიორგი ნახუცრიშვილის „კომბლე“, „პატარა მეომრები“), ბაში-აჩუკის (ალექსანდრე კაჭკაჭიშვილის „ბაში-აჩუკი“, აკაკი წერეთლის მიხედვით), კიკვიძის (ვანიონ დარასელის „კიკვიძე“), რომეოს (უილიამ შექსპირის „რომეო და ჯულიეტა“), ადვოკატ პატლენის (ფრანგული ხალხური პიესა „ადვოკატი პატლენი“) და სხვა როლები. დაჯილდოებულია მედლით „კავკასიის დაცვისთვის“ (1945).