ვარსკვლავური ომების კანონი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება

ვარსკვლავური ომების კანონი (ინგლ. Star Wars canon) — ეპოპეა, რომელშიც შედის ვარსკვლავური ომების ექვსი ოფიციალური მხატვრული ფილმი და ოფიციალურად ლიცენზირებული დამატებითი ნაშრომები (ძირითადად, წიგნები და კომიქსები, ე.წ. გაფართოებული სამყარო).

ჰოლოკრონი[რედაქტირება | წყაროს რედაქტირება]

1996 წლისათვის შეიკრიბა კანონთან დაკავშირებული იმდენად ვრცელი მასალა, რომ საჭირო გახდა მისი ერთგვარი მოწესრიგება. შეიქმნა სისტემა, რომლის ფარგლებშიც ეს განხორციელდა. 2000 წელს ლელან ჩიმ, რეჟისორ ჯორჯ ლუკასის კომპანიის Lucas Licensing მითითებით შეიმუშავა მონაცემთა ბაზა ჰოლოკრონი. მისი მიხედვით, გამოიკვეთა შემდეგი კანონები:

კანონი G: აბსოლუტური კანონი. მასში შეტანილია: ფილმები, სცენარები, წიგნები, რადიოდადგმები და თავად ლუკასის მიერ წარმოებული სხვა დაკავშირებული პროდუქცია.
კანონი T: ორი სატელევიზიო სერიალი, ვარსკვლავური ომები: კლონების ომები და ვარსკვლავური ომები: ამბოხებულები.
კანონი C: მასში ძირითადად შეტანილია სამყაროს ვრცელი ისტორიის წიგნები, კომიქსები და თამაშები.
კანონი S: მეორეხარისხოვანი კანონი. მასში მოქცეულია შეზღუდული ხანგრძლივობის მქონე მრავალი ელემენტი, რომელიც მიუხედავად ამისა, საერთოდ ქრონოლოგიასთან პირდაპირ კავშირშია.
კანონი N: ეს კანონი ყველა კანონს გარეთ დგას. მასში შეტანილია სამყაროს პარალელური რეალობის ვერსიები, თამაშების სტატისტიკა და ყოველივე, რაც საერთოდ არ არის ვარსკვლავური ომების ქრონოლოგიასთან კავშირში. ფილმის I-III ეპიზოდების გამოსვლის შემდეგ, ფანების მიერ გამოგონილი ისტორიებმა, რომლებიც C-კანონში იყო შეტანილი, გადაინაცვლეს N-კანონში.

2014 წლის გადატვირთვა[რედაქტირება | წყაროს რედაქტირება]

2014 წლის 25 აპრილს Lucasfilm-ის განცხადების თანახმად, კანონების კატალოგიზაცია გაუქმდა — კანონად უკვე ითვლება მხოლოდ აქამდე გამოშვებული ფილმები (ეპიზოდები 1-6, მულტფილმი ვარსკვლავური ომები: კლონური ომები, სერიალები ვარსკვლავური ომები: კლონების ომები და ვარსკვლავური ომები: ამბოხებულები) და კომიქსი დართ მოლი — დათომირის ძე. ხოლო გაფართოებული სამყარო ამიერიდან ითვლება ლეგენდებად, იგი არ უქმდება. ზემოთხსენებული თარიღის შემდეგ ოფიციალურად გამოშვებული მასალა (ფილმები, წიგნები, კომიქსები, თამაშები) ითვლება კანონად, მაგრამ ლეგენდებთან დაკავშირებული მასალა გაფართოებას აგრძელებს.

რესურსები ინტერნეტში[რედაქტირება | წყაროს რედაქტირება]