ვალერიან მელქაძე

ვალერიან მელქაძე
პირადი ინფორმაცია
დაბ. თარიღი	28 დეკემბერი, 1912(1912-12-28)
დაბ. ადგილი	ჩხენიში, ქუთაისის მაზრა, ქუთაისის გუბერნია, რუსეთის იმპერია
გარდ. თარიღი	10 ივნისი, 1981(1981-06-10) (68 წლის)
გარდ. ადგილი	თბილისი
ნამუშევრები და მიღწევები
საქმიანობა	ეკონომისტი
მოქალაქეობა	რუსეთის იმპერია  საქართველოს დემოკრატიული რესპუბლიკა საქართველოს სსრ
ჯილდოები	წითელი ვარსკვლავის ორდენი, შრომის წითელი დროშის ორდენი, სამამულო ომის 1-ლი ხარისხის ორდენი, სამამულო ომის მე-2 ხარისხის ორდენი და მედალი „მამაცობისათვის“

ვალერიან მელქაძე (დ. 28 დეკემბერი, 1912, სოფ. ჩხენიში, სამტრედიის რაიონი — გ. 10 ივნისი, 1981) — ქართველი ეკონომისტი, მეცნიერი, ეკონომიკურ მეცნიერებათა დოქტორი (1972), პროფესორი (1977). საქართველოს სსრ უმაღლესი საბჭოს IV-V მოწვევების დეპუტატი.

1937 წელს დაამთავრა თბილისის სტალინის სახელობის სახელმწიფო უნივერსიტეტი. 1941-1945 წლებში მონაწილეობდა სამამულო ომში. 1946-1948 წლებში — საქართველოს სსრ მეცნიერებათა ეროვნული აკადემიის ეკონომიკის ინსტიტუტის უფროსი მეცნიერ-თანამშრომელი. 1948-1963 წლებში — პარტიული და სხვა ხელმძღვანელი სამუშაო. 1951-1952 წლებში ქუთაისის საოლქო კომიტეტის მდივანი; 1952 წლიდან საქართველოს კპ ცკ-ის მდივანი. 1958-1960 წლებში საქართველოს ცენტრალური სტატისტიკური სამმართველოს უფროსი. 1963 წლიდან დამფუძნებელი დირექტორის რანგში სათავეში ჩაუდგა საქართველოს სსრ სახელმწიფო საგეგმო კომიტეტთან არსებულ სახალხო მეურნეობის ეკონომიკისა და დაგეგმვის სამეცნიერო-კვლევით ინსტიტუტს, რომელსაც სიცოცხლის ბოლომდე ხელმძღვანელობდა. 2002 წელს ინსტიტუტს მისი სახელი ეწოდა. შეიმუშავა შიდა რესპუბლიკური ტერიტორიული ერთეულების მიხედვით ერთობლივი საზოგადოებრივი პროდუქტისა და ეროვნული შემოსავლის გამოყენებითი ანალიზური კვლევის მეთოდი.

ჯილდოები

• საპატიო ნიშნის ორდენი (2 ორდენი)
• შრომის წითელი დროშის ორდენი
• სამამულო ომის II ხარისხის ორდენი
• სამამულო ომის I ხარისხის ორდენი
• წითელი ვარსკვლავის ორდენი

რესურსები ინტერნეტში

• ვალერიან მელქაძე — საქართველოს ბიოგრაფიული ლექსიკონი
• ვალერიან მელქაძის ბიოგრაფია (IV მოწვევა)
• ვალერიან მელქაძის ბიოგრაფია (V მოწვევა)