ვიტალი ბიანკი

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან ვალენტინ ბიანკი)
Jump to navigation Jump to search
ვიტალი ბიანკი
დაბ. თარიღი 30 იანვარი (11 თებერვალი) 1894[1]
დაბ. ადგილი სანქტ-პეტერბურგი[2]
გარდ. თარიღი 10 ივნისი 1959(1959-06-10)[2] (65 წელი)
გარდ. ადგილი სანქტ-პეტერბურგი[2]
დასაფლავებულია Bogoslovskoe cemetery
საქმიანობა მწერალი, საბავშვო მწერალი და ჟურნალისტი
ენა რუსული ენა
მოქალაქეობა რუსეთის იმპერია
Flag of the Soviet Union (1936–1955).svg სსრკ
ალმა-მატერი სანქტ-პეტერბურგის სახელმწიფო უნივერსიტეტი

ვიტალი ვალენტინის ძე ბიანკი (დ. 11 თებერვალი [ ძვ. სტ. 30 იანვარი], 1894, სანქტ-პეტერბურგი, რუსეთის იმპერია — გ. 10 ივნისი, 1959, ლენინგრადი, სსრკ) — საბჭოთა მწერალი, მრავალი საბავშვო მოთხრობის ავტორი.

იყო ბიისკის ბუნების მოყვარულთა საზოგადოების აქტიური მონაწილე. ალტაის სახალხო უნივერსიტეტში გამოდიოდა ლექციებით ორნიტოლოგიაში. 1921 წელს ორჯერ იქნა დაპატიმრებული ადგილობრივი ჩეკას მიერ და სამი კვირის განმავლობაში პატიმრობაში მძევლად ჰყავდათ. 1922 წელს გააფრთხილეს შესაძლო დაპატიმრების შესახებ და იგი, მივლინების გაფორმებით, გაემგზავრა პეტროგრადში.

1925 წელს კვლავ დააპატიმრეს და არარსებულ ორგანიზაციაში მონაწილეობის ბრალდებით მიუსაჯეს სამწლიანი დეპორტაცია ურალსკში. 1928 წელს, მრავალი, მათ შორის, მაქსიმ გორკის შუამდგომლობით, მიიღო ნოვგოროდში, შემდეგ კი ლენინგრადში გადასვლის უფლება. 1932 წელს იგი კიდევ ერთხელ დააპატიმრეს, მაგრამ სამხილების არარსებობის გამო გაათავისუფლეს.

1935 წლის მარტში ბიანკი კვლავ იქნა დაპატიმრებული და გადაგზავნილი აკტიუბინის ოლქში. უფლებადამცველ ეკატერინა პეშკოვას შუამდგომლობით იგი გაათავისუფლეს.

დიდი სამამულო ომის პერიოდში გულის ავადმყოფობის გამო ჯარში არ გაიწვიეს. სიცოცხლის უკანასკნელ წლებში გადაიტანა ინფარქტი, შემდეგ – ორი ინსულტი. სისხლძარღვთა დაავადების გამო თითქმის წაერთვა გადაადგილების უნარი. გარდაიცვალა 1959 წლის 10 ივნისს.

სქოლიო[რედაქტირება | წყაროს რედაქტირება]