ესპანეთის პირველი რესპუბლიკა
| ესპანეთის პირველი რესპუბლიკა ესპ. República Española რესპუბლიკა | |||||||||
| |||||||||
|---|---|---|---|---|---|---|---|---|---|
| |||||||||
| დევიზი Plus Ultra | |||||||||
| ჰიმნი რიეგოს ჰიმნი | |||||||||
.png) კოლონიალური ესპანეთის იმპერიის რუკა | |||||||||
| დედაქალაქი | მადრიდი | ||||||||
| ენა | ესპანური | ||||||||
| რელიგია | კათოლიციზმი | ||||||||
| ფულის ერთეული | პესეტა | ||||||||
| მმართველობის ფორმა | რესპუბლიკა | ||||||||
| ესპანეთის პრეზიდენტი | |||||||||
| - 1873 | ესტანისლაო ფიგერასი | ||||||||
| ესპანეთის პრეზიდენტი | |||||||||
| - 1873 | ფრანსისკო პი ი მარგალი | ||||||||
| ესპანეთის პრეზიდენტი | |||||||||
| - 1873 | ნიკოლას სალმერონი | ||||||||
| ესპანეთის პრეზიდენტი | |||||||||
| - 1873-1874 | ემილიო კასტელარი | ||||||||
| ესპანეთის პრეზიდენტი | |||||||||
| - 1874 | ფრანსისკო სერანო | ||||||||
ესპანეთის პირველი რესპუბლიკა - პოლიტიკური რეჟიმი ესპანეთში 1873-1874 წლებში. დამყარდა ესპანეთის მეხუთე რევოლუციის მიმდინარეობის პერიოდში მეფე ამადეო სავოიელის გადადგომის შემდეგ 1873 წლის 11 თებერვალს. ამავე დღეს ესპანეთი კორტესმა რესპუბლიკად გამოაცხადა. შეიქმნა დროებითი მთვრობა, რომელსაც სათავეში ჩაუდგა მემარჯვენე რესპუბლიკელი ესტანისლაო ფიგერასი. 1873 წლის 10 მაისს არჩეულ იქნა ახალი დამფუძნებელი კორტესი. აღმასრულებელ ხელისუფლებას სათავეში ჩაუდგა მემარცხენე რესპუბლიკელი ფრანსისკო პი ი მარგალი, რომლის მთავრობამაც ფართო დემოკრატიული პროგრამა წამოაყენა. 1873 წელს კორტესმა შეიმუშავა კონსტიტუციური პროექტის ძირითდი დებულებანი, რომელიც ითვალისწინებდა ესპანეთში ფედერალური რესპუბლიკის დამყარებას. ამ პროექტმა ქვეყნის მცირე დამოუკიდებელ კანტონებად დაყოფის მომხრე რესპუბლიკელთა ("შეურიგებელთა") უკმაყოფილება გამოიწვია. პროექტის გამოქვეყნება მათ გამოიყენეს როგორც საბაბი ქვეყნის სხვადასხვა რაიონში მთავრობის საწინააღმდეგო აჯანყებათა მოსაწყობად. 1873 წლის ივლისში ფ. პი ი მარგალის მთავრობა გადადგა. 1874 წლის 3 იანვარს გენერალმა მანუელ პავიამ და მარშალმა ფრანსისკო სერანომ მოაწყვეს სახელმწიფო გადატრიალება, რომლის შედეგად ქვეყანაში სამხედრო დიქტატურა დამყარდა. 1874 წლის 29 დეკემბერს გენერალ არსენიო მარტინეს კამპოსის მიერ განხორციელებულმა ახალმა გადატრიალებამ წერტილი დაუსვა ესპანეთის პირველ რესპუბლიკას, ტახტზე ისაბელ II-ის შვილი ალფონსო XII ავიდა.
რესურსები ინტერნეტში
[რედაქტირება | წყაროს რედაქტირება]- Historiaantiqua. Primera República (2008)