ესკალადა
ესკალადა (ფრანგ. escalade < იტალ. scalata, პირველწყარო: ლათ. scala — კიბე) — იერიში ციხესიმაგრეზე კიბეების დახმარებით. ამ ხერხს იყენებდნენ უძველესი დროიდან. მსროლელები იცავდნენ მუშათა კოლონებს, რომლებიც ავსებდნენ ციხესიმაგრის თხრილებს და მათზე ამაგრებდენ 15–18 მ სიმაღლის მოძრავ ან გასაშლელ ფართო კიბეებს (2–3 კაცისათვის). ესკალადისთვის იყენებდნენ აგრეთვე კაუჭიან თოკის კიბეებს, XX საუკუნეში ესკალადა ხმარებიდან გამოვიდა.
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 4, თბ., 1979. — გვ. 216.