ერხაი

მასალა ვიკიპედიიდან — თავისუფალი ენციკლოპედია
Jump to navigation Jump to search
ერხაი
Erhai lake, Yunnan, China.jpg
კოორდინატები: 25°45′48″ ჩ. გ. 100°11′15″ ა. გ. / 25.76333° ჩ. გ. 100.18750° ა. გ. / 25.76333; 100.18750
მდებარეობა ჩინეთის დროშა ჩინეთი
სიმაღლე ზღვის დონიდან 1972 
სიგრძე 40 კმ
სიგანე კმ
ფართობი 250 კმ²
მოცულობა 2,5 კმ³
საშუალო სიღრმე 10,5 
მაქსიმალური სიღრმე 20,9 
ერხაი — ჩინეთი
ერხაი

ერხაი (洱海; სიტყვასიტყვით — „ყურისებრი ზღვა“) — ალპური ტბა სამხრეთ-დასავლეთ ჩინეთში, იუნანის პროვინციაში. მდებარეობს იუნანის მთიანეთზე,[1] ზღვის დონიდან 1972 მ სიმაღლეზე. ზედაპირის ფართობი 250 კმ², მაქსიმალური სიღრმე 20,9 მ. გაწოლილია ცანშანის მთებისა და უძველეს ქალაქ დალიდან აღმოსავლეთისაკენ. ტბიდან გამოედინება მდინარე მეკონგის შენაკადი იანბი. მდიდარია თევზით.

ღირსშესანიშნაობანი[რედაქტირება | წყაროს რედაქტირება]

ტბის გარშემო დაშვებულია ფეხით ტურიზმი. ამის წყალობით შესაძლებელია ტბის კვლევა. მის დასავლეთ სანაპიროზე მდებარეობს გასართობი ცენტრები „Erhai Park“ და „Butterfly Springs“. მოგზაურთათვის ნებადართულია ტბაზე მდებარე რამდენიმე ულამაზეს კუნძულზე გასეირნება.

ადგილობრივ მცხოვრებთათვის ტბა წარმოადგენს კვების მნიშვნელოვან წყაროს. ისინი განთქმულნი არიან თევზჭერის საკუთარი მეთოდებით. მათ მიერ გაწვრთნილი ფრინველები იჭერენ თევზს და აძლევენ თევზით მოვაჭრეს, რადგან ყელზე ჩამოცმული რგოლის გამო ვერ ახერხებენ თევზის გადაყლაპვას.

ბიომრავალფეროვნება[რედაქტირება | წყაროს რედაქტირება]

ერხაი მდიდარია ბიომრავალფეროვნებით. ის არის იუნანის სამ მსხვილ ტბას შორის გამორჩეული დიდი რაოდენობით ენდემური თევზის ჯიშებით. ერხაიში ცნობილი თევზის 23 სახეობიდან და ქვესახეობიდან 8 ენდემური ჯიშისაა. მათ შორის:

  • Cyprinus barbatus,
  • C. daliensis,
  • C. longipectoralis,
  • C. megalophthalmus,
  • Paracobitis erhaiensis,
  • Poropuntius daliensis (Barbodes daliensis),
  • P. exiguus (B. exigua)
  • Zacco taliensis (Schizothorax taliensis).

ამათ შორის, მხოლოდ ორი სახეობა

  • C. barbatus და
  • C. longipectoralis

იყო რეგისტრირებული 2000 წელს, დანარჩენი სახეობები არ იყვნენ რეგისტრირებული. შესაძლოა, უკანასკნელი წლების მანძილზე გადაშენდნენ. რამდენიმე არაენდემური, მაგრამ აბორიგენი სახეობა ასევე, გამქრალია ტბიდან. პირიქით, ამჟამად, ათზე მეტი შემოტანილი თევზის სახეობა ბინადრობს.

ტბიდან გამქრალია ასევე, რამდენიმე ადგილობრივი ჰიდროფიტის სახეობა.

უწინ ტბა წარმოადგენდა ნანჯაოს მეფეების დასასვენებელ ადგილს, აგარაკს.

ერხაის ტბის პანორამა

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]