ერნსტ ლუდვიგ კირხნერი

მასალა ვიკიპედიიდან — თავისუფალი ენციკლოპედია
ერნსტ ლუდვიგ კირხნერი
დაიბადა 6 მაისი, 1880(1880-05-06)[1] [2] [3] [4] [5] [6] [7] [8] [9] [10] [11] [12] [13]
დაბადების ადგილი აშაფენბურგი[14] [15] [16]
გარდაიცვალა 15 ივნისი, 1938(1938-06-15)[14] [1] [17] [18] [3] [4] [5] [6] [7] [9] [19] [11] [12] (58 წლის)
გარდაცვალების ადგილი Davos Frauenkirch[16]
ჟანრი პორტრეტი[15] , პეიზაჟი[15] , საჟანრო ფერწერა[15] , ნიუ[15] , animal painting[15] და ნატურმორტი[15]
საიტი http://www.ernstludwigkirchner.com/

ერნსტ ლუდვიგ კირხნერი (გერმ. Ernst Ludwig Kirchner; დ. 6 მაისი, 1880, აშაფენბურგი, ბავარია, გერმანია — გ. 15 ივნისი, 1938, ფრაუენკირხი, დავოსის მახლობლად, შვეიცარია) — გერმანელი მხატვარი, ფერმწერი, გრაფიკოსი და მოქანდაკე. ფერწერას სწავლობდა დამოუკიდებლად. ექსპრესიონიზმის ერთ-ერთი პირველი პრაქტიკოსი და თეორეტიკოსი. გერმანული ექსპრესიონიზმის გამოჩენილი ოსტატი. მუშაობდა ფერწერისა და გრაფიკის სხვადასხვა ჟანრებში. ქმნიდა ნამუშევრებს, სადაც დინამიური, „პულსირებული“ სივრცე ფერთა მკვეთრ, ნერვულ კონტრასტებს ერწყმის.

ბიოგრაფია[რედაქტირება | წყაროს რედაქტირება]

დაიბადა ინჟინერ-ქიმიკოსის ერნსტ კირხნერის ოჯახში. 1901 წელს დაამთავრა კემნიცის გიმნაზია და დრეზდენის უმაღლესი ტექნიკური სასწავლებლის[კომ. 1] არქიტექტურის ფაკულტეტზე განაგრძო სწავლა. სწავლის პერიოდში გაიცნო გერმანელი არქიტექტორი და მხატვარი-ექსპრესიონისტი ფრიც ბლეილი (გერმ. Fritz Bleyl; 1880–1966), რომელიც ახალისებდა და იზიარებდა კირხნერის ინტერესს ფერწერის მიმართ.

1903–04 წლებში სწავლობდა მიუნხენის უმაღლეს ტექნიკურ სასწავლებელში,[კომ. 2] ამავე დროს ესწრებოდა ფონ დებშიცის და ჰერმან ობრისტის ლექციებს თავისუფალი და გამოყენებითი ხელოვნების სასწავლო-ექსპერიმენტულ სახელოსნოში. 1905 წელს დრეზდენში ბრუნდება, სადაც არქიტექტორის დიპლომს იღებს.

1905 წელს ერიხ ჰეკელთან (გერმ. Erich Heckel; 1883–1970) და კარლ შმიდტ-როტლუფთან (გერმ. Karl Schmidt-Rottluff; 1884–1976) ერთად დააარსა შემოქმედებითი გაერთიანება „ხიდი“ (გერმ. Die Brücke), საიდანაც საფუძველი ეყრება გერმანული ექსპრესიონიზმის განვითარებას. გაერთიანების (ჯგუფის) შექმნის თარიღად 7 ივნისი ითვლება. ჯგუფის სახელწოდება ერიხ ჰეკელის მიერ იქნა მოწოდებული, ხოლო მის იდეოლოგად ერნსტ ლუდვიგ კირხნერი იქცა, რომელსაც ახალი შემოქმედებითი გაერთიანების საერთო კონცეფციის ფორმულირება ეკუთვნის. ჯგუფის ესთეტიკის ძირითად პრინციპს წარმოადგენდა რეალიზმის, იმპრესიონიზმის, მოდერნისა და მატერიალისტური მსოფლმხედველობის უარყოფა.

1915 წლიდან ცხოვრობდა შვეიცარიაში. ნაცისტების ხელისუფლებაში მოსვლის შემდეგ გარიცხეს პრუსიის სამხატვრო აკადემიიდან.

1937 წელს ნაცისტებმა იგი ე.წ. „დეგენერატიული ხელოვნების“ წარმომადგენლად შერაცხეს და მისი 639 ნამუშევარი გაიტანეს გერმანული მუზეუმებიდან; მათი ნაწილი კი გაანადგურეს. მხატვრის 25 სურათი ნაცისტების მიერ მოწყობილ ე.წ. „დეგენერატიული ხელოვნების“ საჩვენებელ გამოფენაზე იქნა წარმოდგენილი, სადაც პირადად ჰიტლერმა მას და მის ნამუშევრებს „ერის შეურაცხყოფა“ უწოდა.

1938 წელს კირხნერი მუშაობას აგრძელებს, თუმცა მისი ფიზიკური და სულიერი მდგომარეობა სულ უფრო და უფრო უარესდება. იმავე წლის 15 ივნისს, ავადმყოფობითა და ნარკოტიკებზე დამოკიდებულებით გაწამებული მხატვარი შვეიცარიის ქალაქ დავოსის მახლობლად, ფრაუენკირხში მდებარე საკუთარ სახლში სიცოცხლეს თვითმკვლელობით ასრულებს.

გალერეა[რედაქტირება | წყაროს რედაქტირება]

  • „ორი ძმა“, 1921
    „ორი ძმა“, 1921
  • „მოხუცი და ახალგაზრდა“, 1921
    „მოხუცი და ახალგაზრდა“, 1921
  • „ამოძირკვული ხე“, 1915
    „ამოძირკვული ხე“, 1915
  • „მარცელა“, 1909–10
    „მარცელა“, 1909–10
  • „ავტოპორტრეტი“, 1915
    „ავტოპორტრეტი“, 1915
  • „ქალი სავარძელში (დოდო)“, 1907
    „ქალი სავარძელში (დოდო)“, 1907
  • „ავტოპორტრეტი“, 1918
    „ავტოპორტრეტი“, 1918
  • „ქალის თავი“, დაახ. 1909
    „ქალის თავი“, დაახ. 1909
  • „ტავერნა“, 1909
    „ტავერნა“, 1909
  • „შიშვლები ერთობიან“, 1910
    „შიშვლები ერთობიან“, 1910
  • „ფრანცი სკამის წინ“, 1910
    „ფრანცი სკამის წინ“, 1910
  • „ქალის პორტრეტი“, 1911
    „ქალის პორტრეტი“, 1911
  • „ნოლენდორფ-პლაცი“, 1912
    „ნოლენდორფ-პლაცი“, 1912
  • „ბერლინის ქუჩა“, 1913
    „ბერლინის ქუჩა“, 1913
  • „თიხის კარიერი“, 1906
    „თიხის კარიერი“, 1906
  • „მწვერვალები“, 1918[20]
    „მწვერვალები“, 1918[20]
  • „ბაღი ალბერტ-პლაცზე დრეზდენში“, 1911
    „ბაღი ალბერტ-პლაცზე დრეზდენში“, 1911
  • „ვილა დრეზდენში“, 1910
    „ვილა დრეზდენში“, 1910
  • „სახლები დრეზდენში“, 1909–10
    „სახლები დრეზდენში“, 1909–10
  • „ფემარნის სანაპირო ზოლი შუქურით“, 1912
    „ფემარნის სანაპირო ზოლი შუქურით“, 1912
  • „დავოსი ზაფხულში“, 1925
    „დავოსი ზაფხულში“, 1925
  • „ბრანდენბურგის კარიბჭე“, 1915
    „ბრანდენბურგის კარიბჭე“, 1915
  • „მთის ლანდშაფტი ქოხებით“, 1921
    „მთის ლანდშაფტი ქოხებით“, 1921
  • „ალპურ საძოვრებზე“, 1920–21
    „ალპურ საძოვრებზე“, 1920–21
  • „დავოსის რკინიგზის სადგური“, 1925
    „დავოსის რკინიგზის სადგური“, 1925
  • „ავტოპორტრეტი“, 1925
    „ავტოპორტრეტი“, 1925
  • „ხიდი მდ. პრისნიცის შესართავთან“, 1910–20
    „ხიდი მდ. პრისნიცის შესართავთან“, 1910–20
  • „ფემარნის ყურის სანაპირო“, 1913
    „ფემარნის ყურის სანაპირო“, 1913
  • „ფემარნის შუქურა“, 1912
    „ფემარნის შუქურა“, 1912
  • „ქალი შავი ქუდით“, 1908
    „ქალი შავი ქუდით“, 1908
  • „მშვილდოსნები“, 1935–37
    „მშვილდოსნები“, 1935–37
  • „ხედი მონშტეინის ეკლესიაზე“, 1919
    „ხედი მონშტეინის ეკლესიაზე“, 1919
  • „კენიგშტაინის რკ. სადგური“, 1916
    „კენიგშტაინის რკ. სადგური“, 1916
  • „მოცეკვავეები“, 1906
    „მოცეკვავეები“, 1906
  • „დოდო და მისი ძმა“, დაახ. 1908
    „დოდო და მისი ძმა“, დაახ. 1908
  • „ზღვაში მობანავენი“, დაახ. 1914
    „ზღვაში მობანავენი“, დაახ. 1914

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

კომენტარები[რედაქტირება | წყაროს რედაქტირება]

  1. ↑ ამჟამად, დრეზდენის ტექნიკური უნივერსიტეტი (გერმ. Technische Universität Dresden) — დრეზდენისა და საქსონიის ერთ-ერთი უმსხვილესი უმაღლესი სასწავლო დაწესებულება.
  2. ↑ ამჟამად, მიუნხენის ტექნიკური უნივერსიტეტი (გერმ. Technische Universität München) — დაარსდა 1868 წელს. წარმოადგენს ერთადერთ ტექნიკურ უნივერსიტეტს ბავარიაში და ერთ-ერთ უმსხვილეს უმაღლეს სასწავლო დაწესებულებას გერმანიაში.

სქოლიო[რედაქტირება | წყაროს რედაქტირება]

  1. ↑ 1.0 1.1 Bibliothèque nationale de France BnF authorities: პლატფორმა ღია მონაცემები — 2011.
  2. ↑ Ernst Ludwig Kirchner
  3. ↑ 3.0 3.1 Ernst Ludwig Kirchner — OUP, 2006. — ISBN 978-0-19-977378-7
  4. ↑ 4.0 4.1 Encyclopædia Britannica
  5. ↑ 5.0 5.1 SNAC — 2010.
  6. ↑ 6.0 6.1 Internet Speculative Fiction Database — 1995.
  7. ↑ 7.0 7.1 ბროკჰაუზის ენციკლოპედია
  8. ↑ Discogs — 2000.
  9. ↑ 9.0 9.1 Grisebach L., Barton L. Kirchner, Ernst Ludwig // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T046696
  10. ↑ Delarge J. Le Delarge — Paris: Gründ, Jean-Pierre Delarge, 2001. — ISBN 978-2-7000-3055-6
  11. ↑ 11.0 11.1 Proleksis enciklopedija, Opća i nacionalna enciklopedija — 2009.
  12. ↑ 12.0 12.1 The Fine Art Archive — 2003.
  13. ↑ SIKART — 2006.
  14. ↑ 14.0 14.1 Кирхнер Эрнст Людвиг // Большая советская энциклопедия: [в 30 т.] / под ред. А. М. Прохоров — 3-е изд. — Москва: Советская энциклопедия, 1969.
  15. ↑ 15.0 15.1 15.2 15.3 15.4 15.5 15.6 RKDartists
  16. ↑ 16.0 16.1 The Fine Art Archive
  17. ↑ Ernst Ludwig Kirchner
  18. ↑ Ernst Ludwig [Marsalle, Louis de Kirchner] — 2006.
  19. ↑ Gran Enciclopèdia Catalana — Grup Enciclopèdia, 1968.
  20. ↑ Berggipfel დაარქივებული 2022-03-17 საიტზე Wayback Machine. - Medium: Painting - oil on canvas; Dimensions: Height: 79.5 cm (31.3 in.), Width: 90 cm (35.43 in.) / Artworks by Ernst Ludwig Kirchner. The Athenaeum დაარქივებული 2019-06-03 საიტზე Wayback Machine. . წაკითხვის თარიღი: 1 ივნისი, 2019.


wikistub ეს არის სტატიის ან სექციის ესკიზი.
თქვენ შეგიძლიათ შეავსოთ იგი.
მოძიებულია „https://ka.wikipedia.org/w/index.php?title=ერნსტ_ლუდვიგ_კირხნერი&oldid=4607187“-დან