ერევნის ცირკი

მასალა ვიკიპედიიდან — თავისუფალი ენციკლოპედია
Jump to navigation Jump to search
ერევნის ცირკი 2009 წელს
ერევნის ცირკი 2017 წელს

ერევნის ცირკი (სომხ. Երևանի կրկես) — ცირკი სომხეთის დედაქალაქ ერევანში. დაარსდა 1930-იან წლებში. მთლიანად გარემონტდა 1962 წელს და დაანგრიეს 2012 წლის სექტემბერში. ცირკის ახალი შენობის გახსნა 2014 წლისათვის იყო დაგეგმილი.

ცირკის თავდაპირველი შენობა ხის იყო და 1930-იან წლებში აშენდა. 1939 წელს ნიკოღაიოს ბუნიათიანმა ააგო ახალი, 800 მაყურებელზე გათვლილი შენობა. 1962 წელს იგი მთლიანად გარემონტდა ვაღარშაკ ბელუბეკიანის პროექტის მიხედვით. მისი ტევადობა 700 კაცამდე შემცირდა.[1] შენობა ამის შემდეგ აღარ განახლებულა.[2][3]

2005 წლის აგვისტოში მოხდა ცირკის გასხვისება და მისი მფლობელი ცირკის კოლექტივი გახდა სოს პეტროსიანის ხელმძღვანელობით. 2011 წელს მოსკოვში მოღვაწე სომეხმა ბიზნესმენმა სამველ კარაპეტიანმა განაცხადა, რომ მისი ტაშირ ჯგუფი ცირკის განსაახლებლად 150 მილიონი სომხური დრამისათვის[1][2] $10 მილიონის ინვესტიციას განახორციელებდა.[1]

2011 წლის აგვისტოში ტაშირ ჯგუფმა სარემონტო სამუშაოები დაიწყო,[4] თუმცა, მოგვიანებით, გადაწყდა, დაენგრიათ შენობა და მის ადგილას ახალი აეშენებინათ, რადგან ძველი განახლებას არ ექვემდებარებოდა.[5] ცირკის სახურავის დემონტაჟი განახორციელეს 2012 წლის 21 ივლისს.[2][4] რამდენიმე თვის შემდეგ, 2012 წლის 8 სექტემბერს მთელი შენობა დაანგრიეს.[6][7] დემონტაჟის პროცესს ხელმძღვანელობდა სომხეთის საგანგებო სიტუაციათა სამინისტრო.

ცირკის ცხოველები, ამჟამად, დროებით, ერევნის ზოოპარკში იმყოფებიან.[4]

ცირკის ახალი შენობა 1700-დან 2000-მდე მაყურებელს დაიტევს.[1] ასევე, აშენდება ახალი მიწისქვეშა ავტოსადგომი.[3]

სქოლიო[რედაქტირება | წყაროს რედაქტირება]

  1. 1.0 1.1 1.2 1.3 Երեւանի կրկեսը` կենդանի պատմություն (Living history of the Yerevan Circus) hy. Mediamax (10 May 2012). წაკითხვის თარიღი: 9 November 2012.
  2. 2.0 2.1 2.2 Yerevan circus roof blasted (PHOTO, VIDEO)“, 21 July 2012. წაკითხვის თარიღი: 9 November 2012. 
  3. 3.0 3.1 Barseghyan, Anna. “2014-ին մայրաքաղաքը կունենա ժամանակակից կրկես (Yerevan will have a modern circus by 2012)“, 20 September 2012. წაკითხვის თარიღი: 9 November 2012. (hy) 
  4. 4.0 4.1 4.2 Yerevan circus dome detonated“, 21 July 2012. წაკითხვის თარიღი: 9 November 2012. 
  5. Gyozalyan, Hasmik. “Կրկեսը կդառնա լավագույն մշակութային օջախներից մեկը (Yerevan Circus will become one of the best cultural centers)“, 8 September 2012. წაკითხვის თარიღი: 9 November 2012. (hy) 
  6. Yerevan circus building demounted (video)“, 8 September 2012. წაკითხვის თარიღი: 9 November 2012. 
  7. Circus building blown up in Yerevan - VIDEO and PHOTO“, 8 September 2012. წაკითხვის თარიღი: 9 November 2012.