ენტონი კარო

მასალა ვიკიპედიიდან — თავისუფალი ენციკლოპედია
Jump to navigation Jump to search
ენტონი კარო
Anthony Caro balanced.png
დაიბადა 8 მარტი 1924(1924-03-08)[1] [2] [3] [4] [5] [6] [7]
დაბადების ადგილი სურეი
გარდაიცვალა 23 ოქტომბერი 2013(2013-10-23)[1] [2] [3] [4] [6] (89 წლის)
გარდაცვალების ადგილი ლონდონი
მიმდინარეობა აბსტრაქციონიზმი
საიტი http://www.anthonycaro.org
კაროს „ოცნების ქალაქი“, იორკშირის სკულპტურათა ბაღი.

სერ ენტონი კარო (Sir Anthony Caro; დ. 8 მარტი, 1924, ნიუ-მალდენი, ინგლისი — გ. 23 ოქტომბერი, 2013, ლონდონი, ინგლისი) — ინგლისელი აბსტრაქტული სტილის მოქანდაკე, რომელიც ძირითადად „ნაპოვნი“ ინდუსტრიული ობიექტების ლითონის კონსტრუქციებზე მუშაობდა.

კარომ მოდერნიზმი აღმოაჩინა ჰენრი მურის თანაშემწედ მუშაობისას 1950-იან წლებში. ამერიკელ მოქანდაკე დევიდ სმითთან შეხვედრის შემდეგ ადრეულ 1960-იან წლებში კარო მის ადრეული ფიგურულ სტილს თავს ანებებს და იწყებს სკულპტურების შექმნას მზა ლითონის ნაწილების კოლექციების შედუღებითა და ჭანჭიკებით აწყობით. აწყობილ, დასრულებულ ნახელავს შემდგომში იგი ერთ მკვეთრ ფერში ღებავდა.

კარო საერთაშორისო ასპარეზზე პოპულარული 1950-იან წლების ბოლოს გახდა. ამ პერიოდში ის ასევე ასწავლიდა სენტ-მარტინის ხელოვნების სკოლაში (ამჟამად სენტ-მარტინის ხელოვნებისა და დიზაინის კოლეჯი ლონდონში), სადაც შთაგონების წყარო გახდა ბრიტანეთის აბსტრაქციონისტ სკულპტორთა მთელი თაობისთვის, რომელთა შორის იყვნენ ბრიუს მაკლინი, ბარი ფლანაგანი, რიჩარდ ლონგი და გილბერტ ენდ ჯორჯი.

მას ხშირად მიაწერენ პირველად ქანდაკებისთვის კვარცხლბეკის გამოცლას, თუმცა სმითი და ბრინკუში ორივე გაცილებით ადრე იმავე მიმართულებით მოღვაწეობდნენ. კაროს სკულპტურები როგორც წესი საკუთარ თავს ეყრდნობა და პირდაპირ იატაკზე და მიწაზე დევს. ამგვარად ისინი ხსნიან ბარიერს ნამუშევარსა და მაყურებელს შორის, იწვევს რა ამ უკანასკნელს მიუახლოვდეს სკულპტურას და გაეცნოს მას ყველა მხრიდან.

კაროს დაბადების 80 წლისთავის აღსანიშნავად მის ნამუშევართა რეტროსპექტივა მოეწყო ლონდონის ტეიტ მოდერნში 2005 წელს.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 BNF authorities: პლატფორმა ღია მონაცემები — 2011.
  2. 2.0 2.1 Anthony Caro
  3. 3.0 3.1 Anthony Caro — 2006. — ISBN 978-0-19-977378-7, 978-0-19-989991-3
  4. 4.0 4.1 Encyclopædia Britannica
  5. Kunstindeks Danmark
  6. 6.0 6.1 SNAC — 2010.
  7. Structurae