ელიზაბეთ ავსტრიელი (1554-1592)

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ელიზაბეთ ავსტრიელი
Elisabeth von Österreich
Elisabeth of Austria France1.jpg
საფრანგეთის დედოფალი
მმართ. დასაწყისი: 26 ნოემბერი 1570
მმართ. დასასრული: 30 მაისი 1574
წინამორბედი: მარიამ სტიუარტი
მემკვიდრე: ლუიზა დე ლორენ-ვემონტი
პირადი ცხოვრება
დაბ. თარიღი: 5 ივლისი 1554
დაბ. ადგილი: ვენა
გარდ. თარიღი: 22 იანვარი 1592
გარდ. ადგილი: ვენა
მეუღლე: შარლ IX
შვილები: მარი ელიზაბეთ ვალუა
დინასტია: ჰაბსბურგები, ვალუები
მამა: მაქსიმილიან II
დედა: მარია ესპანელი

ელიზაბეთ ავსტრიელი (გერმ. Elisabeth von Österreich; დ. 5 ივლისი 1554, ვენა — გ. 22 იანვარი 1592, ვენა) — საფრანგეთის დედოფალი. საფრანგეთის მეფის შარლ IX-ის ცოლი.

ელიზაბეთი იყო იმპერატორ მაქსიმილიან II-ის და კარლ V-ის ქალიშვილის, მარია ესპანელის ქალიშვილი. 1570 წლის 26 ნომებერს დაქორწინდა საფრანგეთის მეფე შარლ IX-ზე, რომელიც გარდაიცვალა 1574 წელს. მათ ჰყავდათ ერთი ქალიშვილი — მარი ელიზაბეთ ვალუა, რომელიც 5 წლის ასაკში გარდაიცვალა.

ბიოგრაფია[რედაქტირება | წყაროს რედაქტირება]

საფრანგეთის დედოფალი ელიზაბეთ ავსტრიელი

ბავშვობაში ელიზაბეთი ცხოვრობდა თავის უფროს და ანასთან და ძმა მატიასთან ერთად ვენაში შტალბურგის პავილიონის ბაღში. იქ მან ბედნიერი ბავშვობა გაატარა. მამამისი, მაქსიმილან II მას ხშირად ნახულობდა, რადგან ელიზაბეთი მისი საყვარელი შვილი იყო. ის მამას არამარტო გარეგნულად, არამედ ხასიათითაც ჰგავდა.

ელიზაბეთი ევროპაში ერთ-ერთ ულამაზეს პრინცესად ითვლებოდა. მას ჰქონდა ტალღისებური ოქროსფერი თმა, მშვენიერი სახე და დამახასიათებელი ღიმილი. მაგრამ ის უბრალოდ ლამაზი კი არ იყო, პოეტი ბრანტომი შემდეგნაირად აღწერდა მის სახეს: "ის იყო ერთ-ერთი უჭკვიანესი და უკეთილშობილესი დედოფალი, რომელიც ოდესმე მართავდა რომელიმე სახელმწიფოს." თანამედროვენი ერთხმად აღნიშნავენ მის ინტელექტს, მორიდებულობას, კეთილშობილებას, გულითადობას და უპირველეს ყოვლისა გულახდილობას.

20 წლის ასაკში დაქვრივებული ელიზაბეთი დაბრუნდა ავსტრიაში. 1576 წელს წავიდა კლარისინკის მონასტერში, რომელიც თვითონვე დააარსა.

იხილეთ აგრეთვე[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • Joseph F. Patrouch: Elisabeth of Habsburg (1554-1592). [In:] Anne Commire: Women in World History, vol. V, pp. 129–133.
  • Constantin von Wurzbach: Habsburg, Elisabeth von Oesterreich (Königin von Frankreich). Nr. 71. [In:] Biographisches Lexikon des Kaiserthums Oesterreich, vol. VI, Publisher L. C. Zamarski, Vienna 1856–1891, p. 169.
  • Elisabeth, [in:] Brigitte Hamann, Die Habsburger, 1988, p. 87.
  • Gerd Treffer: Elisabeth von Österreich. [In:] Die Französischen Königinnen. Regensburg 1996, p. 260.