ელენას მოჩვენება

ელენას მოჩვენება
ჟანრი	დრამა რომანტიკა
ავტორი	უმბერტო კიკო ოლივიერი
შეიმუშავა	Telemundo Studios, Miami
მონაწილეობენ	ელიზაბეტ გუტიერესი სეგუნდო სერნადასი ანა ლაიევსკა ფაბიან რიოსი მარიცა ბუსტამანტე კატი ბარბერი ზული მონტერო კარლოს მონტილია
ქვეყანა	აშშ
ეპიზოდი	117
წარმოება
ადგილ(ებ)ი	მაიამი
ხანგრძლივობა	42 წთ.
ეთერი
ორიგინალური არხი	Telemundo
ჩვენების ფორმატი	HDTV 1080i
აუდიო ფორმატი	სტერეო
ეთერში	20 ივლისი, 2010 (2010-07-20) — 7 იანვარი, 2011 (2011-01-07)
რესურსები ინტერნეტში
საიტი

ელენას მოჩვენება — „ტელემუნდო სტუდიოს“ 2010-2011 წლის ტელენოველა. იგი წარმოადგენს 1983 წელს გადაღებული, „ვენევისიონის“ სერიალის, „ხულიას” ახალ ვერსიას. გადიოდა ინგლისური სუბტიტრებით. საქართველოში სერიალი გადიოდა 2011 წელს, ტელეარხის რუსთავი 2 ეთერში.

სერიალის შინაარსი

ყურადღება!  ქვემოთ მოყვანილია სიუჟეტის და/ან დასასრულის დეტალები.

ელენა ლაფე (ელიზაბეტ გუტეირესი) და მისი მამა პატარა, მაგრამ ნაყოფიერი სასტუმროს მფლობელები არიან ზღვის სანაპიროზე. მამამ შვილი ამ წყნარ ადგილას გაზარდა, ქალაქის ცხოვრებიდან შორს. ელენა ლამაზი, სამართლიანი, კეთილი გოგონაა, რომელიც ჯერ ნამდვილ სიყვარულს ვერ შეხვდა. როგორც სერიალის მთავარი გმირი, ედუარდო, ელენასაც ისევე უყვარს ბუნება და ცხენები. ის თავის ცხენს, მეტსახელად ”ბოშას” დიდი სიყვარულით უვლის. ედუარდო ხირონი (სეგუნდო სერნადასი) ახალგაზრდა, მდიდარი და წარმატებული მეჯინიბეა. ის სახელგანთქმული გვარის წარმომადგენელია. გვარის, რომელიც ამაყობს თავისი ტრადიციებით, მაგრამ საგულდაგულოდ მალავს საიდუმლოებებს. ერთი წლის წინ, ედუარდომ ცოლად შეირთო, მისი ერთ ერთი დეიდაშვილი, მაგრამ გოგონა ტრაგიკულად დაიღუპა ქორწინების შემდეგ, სახლის კოშკიდან გადმოვარდნის შედეგად. ეს შემთხვევა პოლიციამ ნორმალურად არ გამოიძია. ამ დეიდაშვილსაც ელენა ერქვა - ელენა კალკანიო (ანა ლაიევსკა). ერთ დღეს ელენა ლაფე, ედუარდოს დაჭრილს პოულობს და იგი თავის სასტუმროში მიჰყავს გამოსაჯანმრთელებლად. წყვილს ერთმანეთი მალევე შეუყვარდება.

ედუარდოს ელენა თავის სახლში მიჰყავს, სადაც მის გარდა იქ ცხოვრობენ მისი ძმა, დარიო ხირონი, ძმის ცოლი რებეკა დე ხირონი (კატი ბარბერი), ძმის ცოლის და კორინა (მარიცა ბუსტამანტე), ძმის შვილი - ბენჯამინი და ელენა კალკანიოს დედობილი - ლატონია. ედუარდოს ნათესავების უმეტესობა, ელენა ლაფეს მაშინვე აითვალწუნებენ, მისი სოციალური მდგომარეობის გამო.

ელენა ლაფე მალე შეიტყობს ოჯახის საიდუმლოს შესახებ. მას მოსვენებას არ აძლევს გარდაცვლილი ელენა კალკანიოს მოჩვენება, რომელიც ელენა ლაფეს, მოკვლას, გაგიჟებას ცდილობს... ელენა ლაფე იმასაც გაიგებს, რომ ცოლის მკვლელობაში ედუარდოა ეჭვმიტანილი. დეტექტივი ელენას ეტყვის რომ ყველა ქალი რომელსაც ედუარდო ხვდებოდა მდიდარი იყო და შემდეგ ისინი საეჭვო ვითარებაში დაიღუპნენ. ამას ისიც დაემატება, რომ ელენას მისი ბებია მარგო (ზული მონტერო), დიდძალ ქონებას უტოვებს. ელენას ეჭვი უჩნდება, რომ ედუარდომ იცოდა ყველაფერი მისი ქონების შესახებ და ცოლად ამიტომაც მოიყვანა. ქალს შიში იპყრობს რომ ედუარდო მასაც მოკლავს, მაგრამ შესაძლოა ედუარდოს ეს ელენას მოჩვენებამ დაასწროს?!

მსახიობები და როლები

მსახიობი	პერსონაჟი
ელიზაბეტ გუტიერესი	ელენა ლაფე
სეგუნდო სერნადასი	ედუარდო ხირონი
ფაბიან რიოსი	მონტეკრისტო პალასიოსი
ანა ლაიევსკა	ელენა კალკანიო / დანიელა კალკანიო
მარიცა ბუსტამანტე	კორინა სანტანდერი
კარლოს მონტილია	დარიო ხირონი
ელუზ პერასა	ლატონია
კატი ბარბერი	რებეკა დე ხირონი
ზული მონტერო	მარგო უსკატესი
ჯესიკა მასი	დულსე უსკატეგი
ჰენრი ზაკა	დეტ. ალან მარტინი
მარისოლ კალერო	ნენა ოჩოა
ხუან პაბლო ლიანო	უალტერი
ვანდა დი სიდორო	ლაურა ლუნა
ლიანეტ ბორეგო	მილეიდი მარგარიტა
მაურისიო ენაო	მიჩელი
ისაბელა კასტილიო	ანდრეა
ადრიან კარვახალი	ბენხამინი
ვიქტორ კორონა	კალიმა
ბეატრის მონროი	ხესუსა

რესურსები ინტერნეტში

• „ელენას მოჩვენება“ — კინოფილმების ინტერნეტ-მონაცემთა ბაზა (ინგლისური)