ეინ გედი

ეინ გედი — ოაზისი და ნაკრძალი ისრაელში. ის არის ერთ-ერთი უნიკალური ოაზისი-ნაკრძალი, რომელიც იუდეის უდაბნოში, მკვდარი ზღვის დასავლეთ სანაპიროზე მდებარეობს, მასადასა და ყუმრანის მღვიმეების მახლობლად. ეინ გედი 2016 წელს დასახელდა, როგორც ქვეყნის ერთ–ერთი ყველაზე პოპულარული და გამორჩეული ადგილი.

ეინ გედის ტერიტორიაზე დასახლება ჩვენს წელთაღრიცხვამდე 7 საუკუნით ადრე არსებობდა. ის იყო სხვა ქვეყნებისათვის ლეღვის, ყურძნის, ღვინის, სანელებლებისა და იშვიათი სახეობის ბალზამების მნიშვნელოვანი მიმწოდებელი. კიბუცი 1953 წელს დაარსდა. ეინ გედის სასოფლო-სამეურნეო კომუნაში არა მხოლოდ ფინიკები იზრდება, არამედ მინერალური წყალიც იწარმოება, რომლის შესახებაც ჯერ კიდევ 3000 წლის წინათ იყო ცნობილი; ეინ გედის ეკუთვნის სამედიცინო კომპლექსი მკვდარი ზღვის სანაპიროზე, გოგირდის წყლის აბაზანებითა და პლაჟით. ეინ გედის კიბუცის ტერიტორიაზე მკვდარი ზღვის მარილსა და მინერალებზე დამზადებული „აჰავას“ ბრენდის კოსმეტიკის ფაბრიკაა.

ეტიმოლოგია

სახელი ეინ გედი შედგება ორი ებრაული სიტყვისაგან: „ეინ“ ნიშნავს გაზაფხულს და „გედი“ ნიშნავს თხის პატარას. ეინ გედი ამრიგად ნიშნავს „ბავშვთა გაზაფხულს“ ან „ბავშვის შადრევანს“.

ეროვნული პარკი

ეინ გედის ნაკრძალი გაიხსნა 1971 წელს და ისრაელის ერთ-ერთ ყველაზე მნიშვნელოვანი ნაკრძალია. პარკი მდებარეობს იუდეის უდაბნოს აღმოსავლეთ საზღვარზე, მკვდარი ზღვის სანაპიროზე და მოიცავს 14000 დუნამს (3500 ჰექტარი ან 14 კმ.კვადრატი).

აინ გედის ნაკრძალის შემადგენლობაში შედის ორი წყარო, რომლებიც მთელი წლის განმავლობაში მიედინება: შულამიტი და აინ გედის წყაროები. ერთად, წყლები წელიწადში დაახლოებით სამ მილიონ კუბურ მეტრ წყალს წარმოქმნიან. წყლის დიდი ნაწილი სოფლის მეურნეობისთვის არის გამოყენებული. ასევე ნაკრძალში არის ორი ჩანჩქერიც, რომელიც ტურისტებისთვის მიმზიდველი ადგილია.

ნაკრძალი არის გამორჩეული მცენარეთა, ფრინველებისა და ცხოველების მრავალი სახეობით. ფლორა მოიცავს მცენარეებსა და ხეებს ტროპიკული, უდაბნოების, ხმელთაშუა ზღვის და სტეპური რეგიონებიდან. ნაკრძალში არის უნიკალური სოდომის ვაშლი და აკაცია.

ფაუნიდან განსაკუთრებით გამორჩეულია ფრინველთა სახეობები, ნაკრძალში დაახლოებით 200-ზე მეტი სახეობაა გაზაფხულზე და შემოდგომაზე მიგრაციის პერიოდში. ძუძუმწოვრების სახეობებში შედის კლდის ჰირაქსი.

ეინ გედს ეროვნული პარკის სტატუსი მიენიჭა 2002 წელს. აღნიშნულ პარკს მილიონობით ტურისტი სტუმრობს ყოველ წელს და ერთ-ერთ გამორჩეულ და მიმზიდველ ადგილს წარმოადგენს.

რესურსები ინტერნეტში

• Virtual Tour of Ein Gedi დაარქივებული 2009-11-14 საიტზე Wayback Machine. - View from the Ein Gedi Promenade
• Ein Gedi in the Dead Sea Map დაარქივებული 2012-09-15 საიტზე Wayback Machine. - Bird's-eye view in Flash
• The Israel Nature and Parks Authority - Site page
• Ein Gedi Travel Guide დაარქივებული 2019-12-06 საიტზე Wayback Machine.
• Pictures of Ein Gedi synagogue
• Ein Gedi mill, 1893