ევპატორია

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ქალაქი
ევპატორია
Yevpatoria panorama.jpeg
დროშა გერბი
Flag of Yevpatoriya.png Evpatoria Emblem.png

ქვეყანა უკრაინის დროშა უკრაინა
კოორდინატები 45°11′38″ ჩ. გ. 33°22′05″ ა. გ. / 45.19389° ჩ. გ. 33.36806° ა. გ. / 45.19389; 33.36806
ფართობი 65 კმ²
ცენტრის სიმაღლე 10
მოსახლეობა 107 040 კაცი (2014)
სიმჭიდროვე 481 კაცი/კმ²
სასაათო სარტყელი UTC+2 და UTC+03:00
საფოსტო ინდექსი 97400–97490
ოფიციალური საიტი kalamit.info
ევპატორია — უკრაინა
ევპატორია

ევპატორია (უკრ. Євпаторія) — საპორტო ქალაქი უკრაინაში, კლიმატურ-ბალნეოლოგიური და ტალახსამკურნალო კურორტი შავი ზღვის სანაპიროზე. რკინიგზის სადგური. სიმფეროპოლიდან 64 კმ. 2014 წლის მოსახლეობის აღწერის მიხედვით ქალაქში ცხოვრობდა 107 040 ადამიანი.

ისტორია[რედაქტირება | წყაროს რედაქტირება]

ძველი წელთაღრიცხვის VI-V საუკუნეებში ბერძნებმა აქ ქალაქი კერკინიტიდა გააშენეს. ძველი წელთაღრიცხვის II საუკუნეში დაიპყრეს სკვითებმა. IV საუკუნეში ქალაქმა შეწყვიტა არსებობა. XVI-XVII საუკუნეებში მის ტერიტორიაზე მდებარეობდა თურქების ციხე-ქალაქი გეზლევე (კოზლოვი, კეზლევე), რომლის სახელწოდება თესალიელებიდან მოდიოდა. ქალაქს ყირიმის რუსეთთან შეერთების შემდეგ, 1784 წელს ევპატორია ეწოდა. 1918-1920 წლებში სამოქალაქო ომის დროს რამდენიმეჯერ აიღეს თეთრგვარდიელებმა. 1920 წლის 13 ნოემბერს გაათავისუფლა წითელმა არმიამ. მეორე მსოფლიო ომის დროს, 1941 წლის 31 ოქტომბრიდან 1944 წლის 13 აპრილამდე ოკუპირებული იყო გერმანელ ფაშისტთა ჯარების მიერ.

კურორტი[რედაქტირება | წყაროს რედაქტირება]

აქვს 20-100 მ სიგანის ქვიშიანი პლაჟი. იცის თბილი ზაფხული და რბილი ზამთარი. ნალექები 380 მმ წელიწადში. სამკურნალო საშუალება: ჰაერის, მზის, ქვიშისა და ზღვის აბაზანები, შლამის ტალახი და რაპა (მოინაკის ტბიდან), აგრეთვე ცხელი (39 °C) ქლორიდულ-ნატრიუმიანი წყალი, რომელსაც იყენებენ აბაზანებისათვის. სამედიცინო ჩვენება: ბავშვის ძვალ-სახსართა ტუბერკულოზი, პოლიომიელიტისა და ცერებრული დამბლების შემდეგ ნარჩენი მოვლენები, ქრონიკული რევმატიზმი, რაქიტი, მოზრდილებში — ნერვული სისტემის და გინეკოლოგიური დაავადებანი, საყრდენ-სამოძრაო აპარატის და ზედა სასუნთქი გზების არატუბერკულოზური დაავადებანი და სხვა.

ევპატორიაში არის სანატორიუმები, ტალახსამკურნალო, დასასვენებელი სახლები და სხვა.

ლიტერატურა[რედაქტირება | წყაროს რედაქტირება]