შინაარსზე გადასვლა

ედ ო'ნილი

სტატიის შეუმოწმებელი ვერსია
მასალა ვიკიპედიიდან — თავისუფალი ენციკლოპედია
ედ ო'ნილი

ედი 2015 წელს
დაბადების სახელი ედუარდ ლეონარდ ო'ნილი
დაბადების თარიღი 12 აპრილი.1946 წელი
იანგზტაუნი, აშშ
საქმიანობა მსახიობი,კომიკოსი,ფეხბურთის მოთამაშე
აქტიური 1967-აწმყო
მეუღლე(ები) კატერინ რუსოფი
შვილ(ებ)ი 2
ხელმოწერა

ედუარდ ლეონარდ ო'ნილი [1] (დ.12 აპრილი,1946) — ამერიკელი მსახიობი, კომიკოსი და ამერიკული ფეხბურთის ყოფილი მოთამაშე. კარიერის განმავლობაში მან მოიპოვა კინომსახიობთა გილდიის ოთხი ჯილდო, ასევე სამი ნომინაცია „პრაიმტაიმ ემის“ პრემიაზე და ორი — „ოქროს გლობუსზე“.

ო'ნილმა პოპულარობა 1980-იანი წლების ბოლოს მოიპოვა მუშათა კლასის მამის, ალ ბანდის როლის შესრულებით Fox-ის სიტკომში „დაქორწინებულები ბავშვებთან ერთად“ (1987–1997), რისთვისაც ორჯერ იყო ნომინირებული „ოქროს გლობუსზე“ საუკეთესო მსახიობი მამაკაცის კატეგორიაში სატელევიზიო მუსიკალურ ან კომედიურ სერიალში. მისი კარიერის ახალი ტალღა 2010-იან წლებში დაიწყო ოჯახის პატრიარქის, ჯეი პრიჩეტის როლით ABC-ის ჯილდოების მფლობელ სიტკომში „ამერიკული ოჯახი“ (2009–2020). ამ როლისთვის იგი სამჯერ იყო ნომინირებული „პრაიმტაიმ ემის“ პრემიაზე კომედიურ სერიალში საუკეთესო მსახიობის კატეგორიაში და ოთხჯერ მოიგო კინომსახიობთა გილდიის ჯილდო საუკეთესო სამსახიობო ანსამბლისთვის კომედიურ სერიალში.[2][3]

კინოში ო'ნილის დებიუტი შედგა უილიამ ფრიდკინის კრიმინალურ თრილერში „კრუიზი“ (1980). მას შემდეგ იგი გამოჩნდა ფილმებში: „უიენის სამყარო“ (1992), „გოლიათი პატარები“ (1994), „პრეფონტეინი“ (1997), „ესპანელი პატიმარი“ (1997), „ძვლების შემგროვებელი“ (1999), „მზის ძაღლები“(2017) და „უკანასკნელი საშუალება“ (2020). მას ასევე გახმოვანებული აქვს პერსონაჟები ანიმაციურ ფილმებში: „რობოტი რალფი“ (2012), „დორის ძიებაში“ (2016) და „რალფი ინტერნეტის წინააღმდეგ“ (2018).

ადრეული ცხოვრება და განათლება

[რედაქტირება | წყაროს რედაქტირება]

ედ ო'ნილი დაიბადა ირლანდიურ-ამერიკულ კათოლიკურ ოჯახში, იანგსტაუნში, ოჰაიოს შტატში, 1946 წლის 12 აპრილს. მისი ოჯახის ორივე მხარე იმ ირლანდიელი ემიგრანტების შთამომავალია, რომლებიც ამერიკის შეერთებულ შტატებში 1850-იან წლებში დასახლდნენ.[4][5]

მისი დედა, ლორი საფრანსკი ო'ნილი, დიასახლისი და სოციალური მუშაკი იყო, ხოლო მამა, ედუარდ ფილიპ ო'ნილი (1921–2008) — ფოლადის მომპოვებელ ქარხანაში მუშაობდა და სატვირთო ავტომობილის მძღოლი იყო.ო'ნილი სწავლობდა ურსულინის საშუალო სკოლაში, სადაც ამერიკულ ფეხბურთს თამაშობდა. 14 წლის ასაკში მან მუშაობა მშენებლობაზე დაიწყო, მოგვიანებით კი ფოლადის ქარხანაში გადავიდა.[6]

მან მოიპოვა საფეხბურთო სტიპენდია ოჰაიოს უნივერსიტეტში, სადაც ისტორიის ფაკულტეტზე სწავლობდა და Delta Tau Delta-ს საძმოს წევრი იყო.[7] მან უნივერსიტეტი მეორე კურსის შემდეგ მიატოვა. მსახიობი აღიარებს, რომ სწავლაზე მეტ დროს სპორტსა და წვეულებებს უთმობდა.[7] მას ასევე კონფლიქტი ჰქონდა მწვრთნელთან.[8]

მოგვიანებით ის გადავიდა იანგსტაუნის სახელმწიფო უნივერსიტეტში, სადაც 1967-1968 წლებში დაცვის ხაზზე თამაშობდა.[8] იანგსტაუნში ყოფნისას მან ითამაშა როჯერ სტობახის წინააღმდეგ, რომელიც პენსაკოლას საზღვაო სადგურის გუნდში გამოდიოდა. ონილის თქმით, მისი გუნდი 15 იარდით დააჯარიმეს მას შემდეგ, რაც მან სტობახს მოედნის ფარგლებს გარეთ დაარტყა.</ref> O'Neill said that his team was penalized 15 yards when he hit Staubach out of bounds.[9]

პროფესიული საფეხბურთო კარიერა

[რედაქტირება | წყაროს რედაქტირება]

1969 წელს ონილმა, როგორც არჩეულმა თავისუფალმა აგენტმა, კონტრაქტი გააფორმა „პიტსბურგ სტილერსთან“, ახალბედა მთავარი მწვრთნელის, ჩაკ ნოლის ხელმძღვანელობით. თუმცა, ის საწვრთნელი ბანაკის დროს გუნდიდან გარიცხეს, რადგან ძირითადი შემადგენლობისთვის კონკურენცია უწევდა ისეთ ახალბედა მცველებთან, როგორებიც იყვნენ ჯო გრინი და ელ სი გრინვუდი. მოგვიანებით ორივე მათგანი „სტილერსის“ 1970-იანი წლების წარმატებული დაცვის, „ფოლადის ფარდის“ (Steel Curtain), საკვანძო წევრი გახდა. მოგვიანებით, სერიალში „დაქორწინებულები ბავშვებთან ერთად“, ო'ნილი თამაშობდა საშუალო სკოლის ყოფილ ფეხბურთე ვარსკვლავს, რომელმაც დიდ წარმატებას ვერ მიაღწია და ხშირად იხსენებდა თავის „დიდების დღეებს“ პოლკის სახელობის სკოლაში („ერთხელ ერთ თამაშში ოთხი თაჩდაუნი გავიტანე“). სამსახიობო კარიერის დაწყებამდე ო'ნილი თავის მშობლიურ ურსულინის საშუალო სკოლაში საზოგადოებრივი მეცნიერებების შემცვლელ მასწავლებლად მუშაობდა.

სამსახიობო კარიერა

[რედაქტირება | წყაროს რედაქტირება]

1979–1986: სამსახიობო კარიერის დასაწყისი

[რედაქტირება | წყაროს რედაქტირება]

„სტილერსიდან“ გარიცხვის შემდეგ, ო'ნილი ხელახლა ჩაირიცხა იანგსტაუნის სახელმწიფო უნივერსიტეტში და გახდა ერთ-ერთი პირველი სტუდენტი სასწავლებლის ახალ სარეჟისორო პროგრამაზე.მოგვიანებით, 1979 წელს, მან ბროდვეის სპექტაკლში Knockout (ჰელენ ჰეისის თეატრი) მოკრივის როლი შეასრულა დენი აიელოსთან ერთად.[10]ნიუ-იორკ თაიმსი-ის კრიტიკოსმა, რიჩარდ ედერმა, მისი შესრულება „შემაძრწუნებლად“ აღწერა: „ედუარდ ო'ნილის გოლიათური აღნაგობა, მშვიდი ღიმილი და ცარიელი თვალები პედი კლონსკის, სასტიკი ახალგაზრდა მოკრივის როლში, ჭეშმარიტად დამაფრთხობელ აურას ქმნის“.[11] სწორედ ამ სპექტაკლში შენიშნა იგი რეჟისორმა უილიამ ფრიდკინმა, რის შემდეგაც ო'ნილმა თავისი პირველი კინოროლი მიიღო — განასახიერა პოლიციის დეტექტივი ფილმში „კრუიზი“, სადაც მთავარ როლს ალ პაჩინო ასრულებდა.[12]


1985 წელს ონილი გამოჩნდა Red Lobster-ის რეკლამაში.[13] მას ასევე ჰქონდა ეპიზოდური როლი სერიალში „მარეგულირებელი“. 1986 წელს იგი დაამტკიცეს ნიუ-იორკის პოლიციის დეტექტივის, ჯიმი „პოპაი“ დოილის როლზე დაგეგმილი სერიალისთვის Popeye Doyle. ეს პერსონაჟი თავდაპირველად ფილმში „ფრანგი მეკავშირე“ გამოჩნდა (სადაც მას ჯინ ჰეკმენი თამაშობდა). სატელევიზიო ფილმი გადაიღეს და ქსელურ ტელევიზიაში აჩვენეს. ო'ნილმა შესრულებისთვის დადებითი შეფასებები მიიღო,მაღალი რეიტინგი ჰქონდა, თუმცა სერიალის წარმოება აღარ გაგრძელებულა.

1987-2008 დაქორწინებულები ბავშვებთან ერთად და სხვა როლები

[რედაქტირება | წყაროს რედაქტირება]
„დაქორწინებულები ბავშვებთან ერთად სამსახიობო შემადგენლობა 1987 წელს. მარცხნიდან მარჯვნივ: ქეითი საგალი, ედ ონილი, დევიდ ფაუსტინო და კრისტინა ეპლგეიტი.

1984 წელს, როდესაც ო'ნილი ლენის როლს ასრულებდა ჯონ სტეინბეკის პიესაში „თაგვებსა და ადამიანებზე“ (ჰარტფორდის თეატრი, კონექტიკუტი), იგი Fox-ის ქასთინგ-აგენტმა შენიშნა. მას შესთავაზეს მონაწილეობა მიეღო ალ ბანდის როლის მოსმენაზე [14] ახალი სიტკომისთვის „დაქორწინებულები ბავშვებთან ერთად“, რომელიც ჩიკაგოში მცხოვრები დისფუნქციური ოჯახის შესახებ მოგვითხრობდა. ო'ნილმა როლი იმით მოიპოვა, რომ მოსმენისას, სახლის კარში შესვლის წინ, მხრები ჩამოყარა და მძიმედ ამოიოხრა.

სერიალმა Fox-ის პრაიმტაიმის ეთერი 1987 წლის 5 აპრილს გახსნა და 11 სეზონის შემდეგ, 1997 წლის 9 ივნისს დასრულდა. ამ პერიოდში ო'ნილმა რამდენიმე ფილმშიც ითამაშა, მათ შორის საოჯახო კომედიაში „გოლიათი პატარები“ (1994).[15] მას ასევე ჰქონდა მცირე როლები კომედიებში უიენის სამყარო (1992) და უიენის სამყარო 2 (1993). მოგვიანებით ის გამოჩნდა ტროლების მეფის როლში სერიალში „მეათე სამეფო“ (2000), ასევე დრამატულ ფილმებში: „ფრეფონტეინი“ (1997), „ესპანელი პატიმარი“ (1997) და „ძვლების შემგროვებელი“ (1999).

1994 წელს ონილი გამოჩნდა შოუში In Living Color, სადაც ჯეიმი ფოქსის პერსონაჟი დაამარცხა. მან ასევე შეასრულა კამეო სერიალში „8 მარტივი წესი“, სადაც მისი ყოფილი მეუღლის როლს ქეითი საგალი ასრულებდა (რომელიც პეგი ბანდის განასახიერებდა სერიალში „დაქორწინებულები ბავშვებთან ერთად“).[16] 90-იანი წლების შუა პერიოდში იგი აქტიურად ჩნდებოდა 1-800-COLLECT-ის რეკლამებში.

„კანონი და წესრიგის“ შემქმნელმა, დიკ ვოლფმა, ონილი სერჟანტ ჯო ფრაიდის როლზე დაამტკიცა სერიალის „ბოროტების მახე“ 2003 წლის განახლებულ ვერსიაში.[17] ABC-მ პროექტი მეორე სეზონში გააუქმა. ამის შემდეგ, 2004-2005 წლებში, ო'ნილი პენსილვანიის გუბერნატორის, ერიკ ბეიკერის როლს ასრულებდა NBC-ის პოლიტიკურ დრამაში „დასავლეთის ფრთა“.[18] მან ასევე ითამაშა ბილის როლი HBO-ს სერიალში John from Cincinnati. 2008 წელს ედი გამოჩნდა მაშინდელი პრეზიდენტობის კანდიდატის, ბარაკ ობამას საარჩევნო რეკლამაში, როგორც „ფეხსაცმლის გამყიდველი ალი“.[19] 2009 წლის იანვარში ის კვლავ შეხვდა დევიდ ფაუსტინოს ამ უკანასკნელის შოუს Star-ving ორ ეპიზოდში.[20] 2009 წელსვე, „დაქორწინებულები ბავშვებთან ერთად“ მთელი სამსახიობო შემადგენლობა კვლავ შეიკრიბა TV Land-ის მე-7 ყოველწლიურ დაჯილდოებაზე.[21]


2009-2020 ამერიკული ოჯახი

[რედაქტირება | წყაროს რედაქტირება]
ედი 2010 წელს

თერთმეტი სეზონის განმავლობაში, 2009 წლიდან 2020 წლამდე, ო'ნილი ასრულებდა ჯეი პრიჩეტის როლს ABC-ის სიტკომში „ამერიკული ოჯახი“.კენ ტაკერმა Entertainment Weekly-დან აღნიშნა: „ო'ნილს აქ შესაძლოა ყველაზე რთული დავალება აქვს... მისი პერსონაჟი, ჯეი, ცდილობს დატკბეს თავისი დაგვიანებული შუახნის კრიზისის პრიზით [ახალგაზრდა ცოლით], მაგრამ ამავდროულად უწევს მისი შვილის ატანა... ონილი და სცენარისტები ამას ახერხებენ ჯეის სარკასტულ, თუმცა რეალურად წესიერ ადამიანად წარმოჩენით“.[22] ჯინა ბელაფანტემ The New York Times-იდან დაწერა: „მისტერ ო'ნილი დახვეწილად ასრულებს სერიოზული კაცის როლს სოფია ვერგარას ცეცხლოვანი პერსონაჟის გვერდით“.[23] ბარი გარონმა The Hollywood Reporter-იდან კი აღნიშნა, რომ მიუხედავად იმისა, რომ ალ ბანდი ტელევიზიის ერთ-ერთი ყველაზე დაუვიწყარი გმირია, ეს როლი მაყურებელს ო'ნილს ახალი კუთხით დაანახებს.[24] ამ როლისთვის ო'ნილი ზედიზედ სამჯერ (2011, 2012 და 2013 წლებში) იყო ნომინირებული „პრაიმტაიმ ემის“ პრემიაზე კომედიურ სერიალში მეორეხარისხოვანი როლის საუკეთესო შესრულებისთვის.[25][26][27] მან ასევე ოთხჯერ მოიგო კინომსახიობთა გილდიის ჯილდო საუკეთესო სამსახიობო ანსამბლისთვის (2010–2013).

2012 წლიდან ონილი ახმოვანებს პარლაზინი-ის[35] და ვალმარტის-ის მობილური სერვისის (Straight Talk) სატელევიზიო რეკლამებს. 2016 წელს მან გაახმოვანა რვაფეხა ჰენკი პიქსარის ანიმაციურ ფილმში „დორის ძიებაში“. ონილის თქმით, თავიდან ვერც კი აცნობიერებდა, რომ ფილმში ერთ-ერთი მთავარი როლი ჰქონდა, სანამ ჩაწერის პროცესში არ მიხვდა, რომ მისი პერსონაჟის ინტერაქციების უმეტესობა პირდაპირ დორისთან იყო დაკავშირებული.[28]

ონილმა ითამაშა FX-ის (Hulu) მინისერიალში Clipped, სადაც დონალდ სტერლინგი განასახიერა.[29] ენდრიუ ლოურენსმა The Guardian-იდან შოუს უმაღლესი შეფასება მისცა და აღნიშნა: „ეკრანზე ექსცენტრიული პერსონაჟების განსახიერების ორმოცწლიანმა გამოცდილებამ ედ ო'ნილს მისცა სტერლინგის უცნაურობებისა და სუსტი მხარეების განსაკუთრებული გაგება“.[30] დანიელ ფეინბერგმა The Hollywood Reporter-იდან დაწერა, რომ ო'ნილი დამაჯერებლად გადმოსცემს პერსონაჟის „პრივილეგირებულ გროტესკულობას“,[31] ხოლო კუინსი ლეგარდიმ The A.V. Club-იდან აღნიშნა, რომ „ონილი ოსტატურად ასრულებს ჭეშმარიტად ამაზრზენი ადამიანის როლს“.[32]

პირადი ცხოვრება

[რედაქტირება | წყაროს რედაქტირება]

ედი დაქორწინებულია მსახიობ კეთრინ რუსოფზე, რომელთანაც ორი შვილი ჰყავს.[33]

1991 წელს მეგობარმა, სცენარისტმა და რეჟისორმა ჯონ მილიუსმა, ონილს ბრაზილიური ჯიუ-ჯიცუ გააცნო. მას შემდეგ მსახიობი რორიონ გრეისის ხელმძღვანელობით ვარჯიშობს.[34] 16-წლიანი წვრთნის შემდეგ, 2007 წლის დეკემბერში, ონილმა შავი ქამარი მიიღო.[35][36] 2012 წლის სატელევიზიო დოკუმენტურ ფილმში „მე ვარ ბრიუს ლი“, ო'ნილმა განაცხადა, რომ შავი ქამრის მოპოვებას მიიჩნევს „თავისი ცხოვრების უდიდეს მიღწევად, შვილების შემდეგ“.[37]

2013 წლის 18 მაისს, თავისმა მშობლიურმა იანგსტაუნის სახელმწიფო უნივერსიტეტმა ო'ნილს ხელოვნების საპატიო დოქტორის ხარისხი მიანიჭა.[38] თუმცა, 2023 წლის 30 ნოემბერს, მას შემდეგ რაც უნივერსიტეტის პრეზიდენტად რესპუბლიკელი კონგრესმენის, ბილ ჯონსონის დანიშვნას სკანდალი მოჰყვა, ონილმა Ideastream-თან ინტერვიუში განაცხადა, რომ აპირებდა ხარისხის უკან დაბრუნებას: „აღარ მინდა ის... მას 'ტრამპის უნივერსიტეტის' (Trump-U) წოდებას დავუძახებ“.[39]

რესურსები ინტერნეტში

[რედაქტირება | წყაროს რედაქტირება]

სქოლიო

[რედაქტირება | წყაროს რედაქტირება]
  1. ↑ Ed O'Neill | Television Academy Interviews en (October 22, 2017). ციტირების თარიღი: August 11, 2019
  2. ↑ Romero, Frances (September 16, 2011). „Ed O'Neill: From Al Bundy to Jay Pritchett“. დაარქივებულია ორიგინალიდან — September 16, 2011. ციტირების თარიღი: March 16, 2012.
  3. ↑ Ed O'Neill | TV Guide en. ციტირების თარიღი: August 11, 2019
  4. ↑ Pallante, Sally (2004). Irish in Youngstown and the Greater Mahoning Valley, გვ. 105. ISBN 0738532185. 
  5. ↑ Ed O'Neill - Biography. Biography.com. A&E Television Networks. ციტირების თარიღი: January 21, 2011
  6. ↑ Rothbart, Davy. How to Go From Working in a Steel Mill to Being the Highest Paid Actor on TV en (January 12, 2021). ციტირების თარიღი: January 18, 2021
  7. 1 2 Stated on ', 2011
  8. ↑ Youngstown State YSU Penguins Football Media Guide | ysupenguins.com | goguins.com. ციტირების თარიღი: 2025-04-27
  9. ↑ That Time Ed O'Neill Got Flagged for a Late Hit on Roger Staubach. YouTube (August 28, 2018).
  10. ↑ Knockout (2025).
  11. ↑ Eder, Richard (May 7, 1979). „Theater: 'Knockout,' La Russo's Ring Drama“. The New York Times. ციტირების თარიღი: June 4, 2024.
  12. ↑ Cruising (1980). ციტირების თარიღი: June 4, 2024.
  13. ↑ Red Lobster Commercial with Ed O'Neil (December 22, 2009). ციტირების თარიღი: December 16, 2013
  14. ↑ Interview with Ed O'Neil (January 8, 2012). ციტირების თარიღი: January 8, 2012
  15. ↑ Ed O'Neill. Rotten Tomatoes. ციტირების თარიღი: June 4, 2024
  16. ↑ The Married With Children Reunion You Likely Forgot Happened On 8 Simple Rules (April 20, 2022). ციტირების თარიღი: June 4, 2024.
  17. ↑ „Ed O'Neill will star in Dick Wolf's Dragnet“. Entertainment Weekly. დაარქივებულია ორიგინალიდან — June 4, 2024. ციტირების თარიღი: June 4, 2024.
  18. ↑ 48 celebrities you may have forgotten were on 'The West Wing'. ციტირების თარიღი: June 4, 2024.
  19. ↑ Al the Shoesalesman Gets a Tax Cut YouTube-ზე
  20. ↑ (NTSC) Star-ving: The Complete First Season. Sony Pictures. https://www.amazon.com/Star-ving-Complete-Season-David-Faustino/dp/B002HMDSOY.
  21. ↑ TV Land Awards. ციტირების თარიღი: June 4, 2024.
  22. ↑ „Modern Family“. Entertainment Weekly. დაარქივებულია ორიგინალიდან — January 5, 2010. ციტირების თარიღი: June 4, 2024.
  23. ↑ Bellafante, Ginia (September 22, 2009). „'I'm the Cool Dad' and Other Debatable Dispatches From the Home Front“. The New York Times. ციტირების თარიღი: June 4, 2024.
  24. ↑ 'Modern Family' Season 1: TV Review (September 22, 2009). ციტირების თარიღი: June 4, 2024.
  25. ↑ Ed O'Neill. ციტირების თარიღი: March 15, 2012
  26. ↑ Pond, Steve. (July 14, 2011) Snubs, surprises and favorites for Emmy gold. Reuters. ციტირების თარიღი: March 15, 2012
  27. ↑ O'Neil, Tom. (September 14, 2011) Finally, Emmy jackpot for Ed O'Neill?. ციტირების თარიღი: March 15, 2012
  28. ↑ Snetiker, Mark (June 17, 2016). „Finding Dory: Ed O'Neill didn't know he was a lead“. Entertainment Weekly. ციტირების თარიღი: August 5, 2016.
  29. ↑ Cordero, Rosy. (February 9, 2024) FX Sets Spring Slate For New & Returning Shows Including 'American Horror Story,' 'Welcome To Wrexham' & 'The Veil'. ციტირების თარიღი: March 30, 2024
  30. ↑ Lawrence, Andrew (June 4, 2024). „Clipped review – basketball scandal makes for captivating small screen drama“. The Guardian. ციტირების თარიღი: June 4, 2024.
  31. ↑ 'Clipped' Review: Laurence Fishburne and Ed O'Neill Lead FX/Hulu's Unwieldy Depiction of the Clippers/Donald Sterling Scandal (May 31, 2024). ციტირების თარიღი: June 4, 2024.
  32. ↑ Clipped review: FX's miniseries goes deeper than its tabloid scandal. ციტირების თარიღი: June 4, 2024.
  33. ↑ Ed O'Neill. Biography.com (April 18, 2016). ციტირების თარიღი: July 13, 2017
  34. ↑ Rogers, Kian. Ed O'Neill Discusses His First Brazilian Jiu-Jitsu Class And Becoming A BJJ Black Belt (September 21, 2024). ციტირების თარიღი: 27 September 2024
  35. ↑ Al Bundy Gets Black Belt YouTube-ზე
  36. ↑ Ed O'Neill Practices Jiu-Jitsu With Billy Bush!. ციტირების თარიღი: March 15, 2012
  37. ↑ Greenfest, Sara (December 10, 2012). „13 celebrities who fight fat with martial arts“. ციტატა: „the greatest achievement of my life, apart from my children.“ დამოწმება journal საჭიროებს |journal=-ს (დახმარება)
  38. ↑ YSU to Award TV Star Ed O'Neill an Honorary Degree | Business Journal Daily. ციტირების თარიღი: 2023-12-01[მუდმივი მკვდარი ბმული]
  39. ↑ Morris, Conor. (2023-11-30) Youngstown State faces blowback from alumni, donors after hiring Republican congressman as president en. ციტირების თარიღი: 2023-12-01
მოძიებულია „https://ka.wikipedia.org/w/index.php?title=ედ_ო%27ნილი&oldid=5352149“-დან