ედელვაისი (გერმ.Edelweiß < edel — კეთილშობილი და weiß — თეთრი) (Leontopodium alpinum) — მრავალწლოვანი ბალახოვანი მცენარე რთულყავილოვანთა ოჯახისა. დაფარულია თეთრი, სქელი ბეწვით; ყვავილედი გარემოცულია გრძელი, ბეწვიანი მფარავი ფოთლებით და თეთრ ვარსკვლავს წააგავს.
იზრდება უმთავრესად ალპებში ზღვის დონიდან 1700-2300 მ. ციმბირში გვხვდება მისი ახლო მონათესავე სახეობა - ციმბირული ედელვაისი (Leontopodium sibiricum), ხოლო ჰიმალაის მთებში — ჰიმალაიური ედელვაისი (Leontopodium himalaicum). ედელვაისს აშენებენ დეკორატიული მცენარედ ბაღჩის ქვიან კუთხეებში და „ალპურ გორაკებზე“.
