დორტმუნდი 2010 (საჭადრაკო ტურნირი)

დორტმუნდის 2010 წლის საჭადრაკო ტურნირი — რიგით 38-ე საერთაშორისო შეჯიბრება, რომელიც დორტმუნდში 15-დან 25 ივლისის ჩათვლით მიმდინარეობდა.

ტურნირის საგზური ვიეტნამელმა დიდოსტატმა ლე კუანგ ლიემმა მოიპოვა, რომელმაც მანამდე აეროფლოტ ოუფენზე გაიმარჯვა.

შეჯიბრების გამარჯვებული უკრაინელი მოჭადრაკე რუსლან პონომარიოვი გახდა, რომელმაც 10 შესაძლებლობიდან 6½ ქულა დააგროვა.

რეგლამენტი

ტურნირს მინიჭებული ჰქონდა მე-20 კატეგორია, რაც მონაწილეთა მაღალი საშუალო რეიტინგით (2730,67) იყო განპირობებული. პარტიები გერმანიაში, კლასიკური დროის კონტროლით გათამაშდა: მოჭადრაკეებს პირველ 40 სვლაზე 100 წუთი ეძლეოდათ, მომდევნო 20 სვლაზე — 50 წუთი, ხოლო პარტიის დასასრულებლად — კიდევ 15 წუთი. გარდა ამისა, პირველივე სვლიდან მოქმედებდა 30-წამიანი დამატების წესი ყოველ სვლაზე.

ტურნირის წესდების თანახმად, ქულების თანაბარი რაოდენობის დაგროვების შემთხვევაში, ადგილების განაწილება ხდებოდა შავი ფერით ნათამაშები პარტიების რაოდენობის მიხედვით. თუ ეს მაჩვენებელიც თანაბარი აღმოჩნდებოდა, უპირატესობა მოგებული პარტიების საერთო რიცხვს ენიჭებოდა, ხოლო საბოლოო კრიტერიუმად ბერგერის კოეფიციენტი გამოიყენებოდა.

ტურნირის მონაწილეები

შეჯიბრებაში მონაწილეობას იღებდნენ:

•  რუსეთი ვლადიმერ კრამნიკი (2790)
•  აზერბაიჯანი შახრიარ მამედიაროვი (2761)
•  უკრაინა რუსლან პონომარიოვი (2734)
•  უნგრეთი პეტერ ლეკო (2734)
•  გერმანია არკადი ნაიდიჩი (2684)
•  ვიეტნამი ლე კუანგ ლიემი (2681)

სატურნირო ცხრილი

№	მოჭადრაკე	ქვეყანა	რეიტინგი	1	2	3	4	5	6	ქულა	ადგილი	SB
1	რუსლან პონომარიოვი	უკრაინა	2734	■ ■	0 ½	1 ½	1 ½	½ 1	1 ½	6½	1
2	ლე კუანგ ლიემი	ვიეტნამი	2681	1 ½	■ ■	½ ½	0 ½	½ ½	1 ½	5½	2
3	ვლადიმერ კრამნიკი	რუსეთი	2790	0 ½	½ ½	■ ■	½ 1	1 0	½ ½	5	3	24,25
4	შახრიარ მამედიაროვი	აზერბაიჯანი	2761	0 ½	1 ½	½ 0	■ ■	1 0	½ 1	5	4	24,00
5	არკადი ნაიდიჩი	გერმანია	2684	½ 0	½ ½	0 1	0 1	■ ■	½ 0	4	5	20,75
6	პეტერ ლეკო	უნგრეთი	2734	0 ½	0 ½	½ ½	½ 0	½ 1	■ ■	4	6	19,50

რესურსები ინტერნეტში

• დორტმუნდი 2010 — მიმოხილვა Chesspro-ზე