დორტმუნდი 2006 (საჭადრაკო ტურნირი)

საჭადრაკო ოსკარის გადაცემა ვლადიმერ კრამნიკისთვის

დორტმუნდის 2006 წლის საჭადრაკო ტურნირი — რიგით 34-ე საერთაშორისო შეჯიბრება იყო, რომელსაც გერმანიის ქალაქმა დორტმუნდმა 29 ივლისიდან 6 აგვისტოს ჩათვლით უმასპინძლა.

ტურნირში მონაწილეობის უფლება მოიპოვა ქართველმა დიდოსტატმა, ბაადურ ჯობავამ, რომელმაც იმავე წელს მოსკოვში გამართულ აეროფლოტ ოპენზე გაიმარჯვა და დორტმუნდის ტურნირის საგზური დაიმსახურა.

შეჯიბრება მაღალი, მე-19 კატეგორიის იყო (მოჭადრაკეთა საშუალო რეიტინგი 2720-ს შეადგენდა). ტურნირის გამარჯვებული გახდა ვლადიმერ კრამნიკი, რომელმაც 7 შესაძლებლობიდან 4½ ქულა დააგროვა. მართალია, კრამნიკმა და პეტრ სვიდლერმა თანაბარი ქულები მოაგროვეს, თუმცა რეგლამენტის თანახმად, ადგილები ზონებორნ-ბერგერის კოეფიციენტით განაწილდა, რამაც უპირატესობა კრამნიკს მიანიჭა.

სათამაშო განრიგი საკმაოდ დატვირთული იყო: ტურები გაიმართა 29, 30 ივლისს, ასევე 1, 2, 4, 5 და 6 აგვისტოს. მოჭადრაკეებმა მხოლოდ ორჯერ დაისვენეს — 31 ივლისსა და 3 აგვისტოს.

ტურნირის მონაწილეები

2006 წლის დორტმუნდის ტურნირზე რვა დიდოსტატი იყო მიწვეული. მონაწილეთა სიაში იყვნენ მაშინდელი მსოფლიო კლასიფიკაციის მოწინავე მოჭადრაკეები, მათ შორის ლევონ არონიანი, ვლადიმერ კრამნიკი და პეტერ ლეკო.

მონაწილეთა სია 2006 წლის ივლისის მონაცემებით:

მოჭადრაკე	ქვეყანა	რეიტინგი	ადგილი რეიტინგში
ლევონ არონიანი	სომხეთი	2761	3
ვლადიმერ კრამნიკი	რუსეთი	2743	4
პეტრ სვიდლერი	რუსეთი	2742	5
პეტერ ლეკო	უნგრეთი	2738	6
მაიკლ ადამსი	ინგლისი	2732	8
ბორის გელფანდი	ისრაელი	2729	10
არკადი ნაიდიჩი	გერმანია	2665	46
ბაადურ ჯობავა	საქართველო	2651	56

სატურნირო ცხრილი

№	მოჭადრაკე	ქვეყანა	რეიტინგი	1	2	3	4	5	6	7	8	ქულა	ადგილი
1	ვლადიმერ კრამნიკი	რუსეთი	2743	■	½	½	1	½	½	½	1	4½	1
2	პეტრ სვიდლერი	რუსეთი	2742	½	■	½	½	½	½	1	1	4½	2
3	მაიკლ ადამსი	ინგლისი	2732	½	½	■	½	1	½	½	½	4	3
4	პეტერ ლეკო	უნგრეთი	2738	0	½	½	■	½	1	1	½	4	4
5	ბორის გელფანდი	ისრაელი	2729	½	½	0	½	■	½	1	1	4	5
6	არკადი ნაიდიჩი	გერმანია	2665	½	½	½	0	½	■	½	1	3½	6
7	ლევონ არონიანი	სომხეთი	2761	½	0	½	0	0	½	■	½	2	7
8	ბაადურ ჯობავა	საქართველო	2651	0	0	½	½	0	0	½	■	1½	8

რესურსები ინტერნეტში

• დორტმუნდი. Sparkassen Chess-Meeting ChessPro-ზე