დორეულები

დორეულები
სოფელი
	დორეულები;
ქვეყანა	საქართველო
მხარე	მცხეთა-მთიანეთის მხარე
მუნიციპალიტეტი	თიანეთის მუნიციპალიტეტი
თემი	ნაქალაქარი
კოორდინატები	41°57′32″ ჩ. გ. 45°00′37″ ა. გ. / 41.95889° ჩ. გ. 45.01028° ა. გ.
ცენტრის სიმაღლე	990 მ
მოსახლეობა	69 კაცი (2014)
ეროვნული შემადგენლობა	ქართველები 98,6 %
სასაათო სარტყელი	UTC+4
სატელეფონო კოდი	+995

დორეულები — სოფელი აღმოსავლეთ საქართველოში, მცხეთა-მთიანეთის მხარის თიანეთის მუნიციპალიტეტში, ნაქალაქარის თემში.^[1] მდებარეობს ერწოს ქვაბულის სამხრეთ-აღმოსავლეთ ნაწილში, მდინარე აძეძის (ივრის მარჯვენა შენაკადი) ნაპირზე, ზღვის დონიდან 990 მეტრზე. თიანეთიდან დაშორებულია 27 კილომეტრით.

ისტორია[რედაქტირება | წყაროს რედაქტირება]

ძველ საბუთებში წიაბეთად, ხოლო შემდეგ ჭუჭულიანთკარადაც იხსენიება. დორეულები სოფელს დაერქვა ქსნის ხეობიდან მოსახლეობის მიგრაციის შემდეგ, XlX საუკუნის დასაწყისში. სოფელი წიაბეთი ჯერ კახეთის სამთავროში შედიოდა, შემდეგ, Xl-Xll საუკუნეებში, სვეტიცხოვლის მონასტრის კუთვნილება იყო, რაც კახეთის სამეფოს წარმოქმნის შემდეგაც არ უნდა შეცვლილიყო. XVll საუკუნის დასაწყისში, ერწოზე შაჰ-აბასის შემოსევის დროს, სოფლის მოსახლეობის ნაწილი გაწყდა, ხოლო ნაწილი აიყარა და გადასახლდა. XVll საუკუნის მიწურულსა და XVlll საუკუნის დასაწყისისათვის სოფელ წიაბეთის მნიშვნელოვან ნაწილზე თავის გავლენას ავრცელებდნენ ჩოლოყაშვილები, რომლებსაც აქ ყმა-მამული უყიდიათ. გვიანდელი შუა საუკუნეების სამხედრო-ადმინისტრაციული დაყოფით, წიაბეთი შედიოდა კახეთის სამეფოს რუსთველი ეპისკოპოსის სადროშოში, რუსეთთან შეერთების შემდეგ კი — თიანეთის მაზრაში.