დომიციუს დომიციანე
| დომიციუს დომიციანე | |
|---|---|
.jpg) | |
| დაბადების თარიღი | III საუკუნე |
| დაბადების ადგილი | ალექსანდრია |
| გარდაცვალების თარიღი | დეკემბერი, 297 |
| გარდაცვალების ადგილი | ალექსანდრია |
| მოქალაქეობა | ძველი რომი |
ლუციუს დომიციუს დომიციანე (ლათ. Lucius Domitius Domitianus) — რომის იმპერატორი-უზურპატორი, რომელიც მართავდა 297 წლის ზაფხულიდან იმავე წლის ბოლომდე.
ისტორია
[რედაქტირება | წყაროს რედაქტირება]წყაროები და ნუმიზმატიკური მტკიცებულებები მიუთითებენ, რომ დომიციუს დომიციანე დიოკლეტიანეს ხელისუფლების წინააღმდეგ 297 წლის ივნის-ივლისში აჯანყდა. იმავე წლის მარტში მიღებულ იქნა ახალი კანონი გადასახადების შესახებ; სავსებით შესაძლებელია, რომ აჯანყება სწორედ ამ მიზეზით ყოფილიყო პროვოცირებული. ასევე სავარაუდოა, რომ დომიციუს დომიციანეს გამოსვლის მიზეზი ეგვიპტეში იმპერატორის ხელისუფლების სისუსტე გახდა, რაც მეამბოხემ აჯანყების საფუძვლად გამოიყენა. თუმცა, 297 წლის ბოლოს დიოკლეტიანე ლაშქრით დაიძრა ეგვიპტისკენ, დაიმორჩილა იგი და ალექსანდრიას ალყა შემოარტყა.
დომიციუს დომიციანე 297 წლის დეკემბერში, ალყის შუაგულში გარდაიცვალა. როგორც ჩანს, უზურპატორი მოქმედებდა აქილევსთან ერთად, რომელსაც ეგვიპტის კორექტორის თანამდებობა ეკავა. სწორედ იგი დანიშნა დომიციანემ თავის მემკვიდრედ და ალექსანდრიის თავდაცვის ხელმძღვანელად. 298 წლის მარტში ქალაქი დანებდა და აქილევსი სიკვდილით დასაჯეს.
ლიტერატურა
[რედაქტირება | წყაროს რედაქტირება]- Аврелий Виктор. О цезарях, 39.38.
- Псевдо-Аврелий Виктор. Извлечения о жизни и нравах римских императоров, 39.3.
- Евтропий. Бревиарий от основания Города, 9.22.1 и 23.
- Иордан. Getica, 110.
- Павел Орозий. История против язычников, 7.25. 4 и 8.
რესურსები ინტერნეტში
[რედაქტირება | წყაროს რედაქტირება]- DiMaio, Michael, «L. Domitius Domitianus and Aurelius Achilleus (ca.296/297-ca.297/298)», De Imperatoribus Romanis დაარქივებული 2021-12-20 საიტზე Wayback Machine.
ვიკისაწყობში არის გვერდი თემაზე: დომიციუს დომიციანე
