დიხაშხო

სოფელი
დიხაშხო
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ვანის მუნიციპალიტეტი
თემი	დიხაშხო
კოორდინატები	42°04′02″ ჩ. გ. 42°33′56″ ა. გ.
პირველი ხსენება	XVIII საუკუნე
ცენტრის სიმაღლე	180 მ
ოფიციალური ენა	ქართული ენა
მოსახლეობა	1041 კაცი (2014)
ეროვნული შემადგენლობა	ქართველები 99,7 %
სასაათო სარტყელი	UTC+4
სატელეფონო კოდი	+995

დიხაშხო — სოფელი საქართველოში, იმერეთის მხარის ვანის მუნიციპალიტეტში, ადმინისტრაციული ერთეულის ცენტრი (სოფლები: ისრითი, ციხისუბანი).

მდებარეობს იმერეთის სამხრეთ მთისწინეთში, მდინარე სულორის (რიონის მარცხენა შენაკადი) ნაპირზე, ზღვის დონიდან 180 მ-ის სიმაღლეზე, ვანიდან 5 კმ-ის დაშორებით.

სახელწოდება „დიხაშხო“ მეგრული წარმოშობისაა და კარგმოსავლიან მიწას ნიშნავს. ისტორიულ წყაროებში მოხსენიებულია XVIII საუკუნეში იოჰან გიულდენშტედტთან. სოფელში შემორჩენილია სამების ერთნავიანი ეკლესია (ინტერიერში არის მოხატულობა და წარწერა), რომელიც, ერთ-ერთი წყაროს ცნობით, 1721 წელსაა აგებული. იმავე წყაროში ნათქვამია, რომ XIX საუკუნის 20-იან წლებში დიხაშხოში თავად ლორთქიფანიძეების კუთვნილი ხის ორი ეკლესია იდგა, რომელთაგან ერთი 1744 წელს იყო აგებული, მეორე — 1812 წელს.

დემოგრაფია

2014 წლის აღწერის მონაცემებით სოფელში ცხოვრობს 1041 ადამიანი.

აღწერის წელი	მოსახლეობა	კაცი	ქალი
2002	1291	603	688
2014	1041	519	522

პიროვნებები

სოფელში დაიბადნენ:

• ნიკოლოზ აგიაშვილი ― ქართველი მწერალი,
• შალვა მაღლაკელიძე ― ქართველი სამხედრო მოღვაწე,
• კირილე ლორთქიფანიძე ― ქართველი საზოგადო მოღვაწე.

ლიტერატურა

• ბერაძე თ., ენციკლოპედია „საქართველო“, ტ. 2, თბ., 2012. — გვ. ?.