დიმიტრი მგელაძე

მასალა ვიკიპედიიდან — თავისუფალი ენციკლოპედია
Jump to navigation Jump to search

დიმიტრი სერგის ძე მგელაძე (დ. 1890 — გ. 1975) — ქართველი მეცნიერი, რუსისტი, პროფესორი, საქართველოს დემოკრატიული რესპუბლიკის პოლიტიკური მოღვაწე.

1918 წლამდე ნოვოროსისკის უნივერსიტეტის პროფესორი (ახლა — მეჩნიკოვის სახელობის ოდესის ეროვნული უნივერსიტეტი). 1918 წელს დაბრუნდა საქართველოში და აქტიური მონაწილება მიიღო თბილისის უნივერსიტეტის დაარსებაში. 1920-1921 წლებში საქართველოს დემოკრატიული რესპუბლიკის განათლების მინისტრი. ცნობილი ქართველი მეცნიერების ივანე ჯავახიშვილისა და პეტრე მელიქიშვილის თანაგუნდელი.

საქართველოში საბჭოთა ხელისუფლების დამყარების მერე, 1921 წელს, გააგრძელა სამეცნიერო და პედაგოგიური მუშაობა თბილისში. 1920-იანი წლებიდან 1970-იან წლებამდე იყო თბილისის სახელმწიფო უნივერსიტეტის პროფესორი, კათედრის გამგე. ითვლება ქართული ენათმეცნიერული სკოლის, რუსისტიკისა და ივანე ჯავახიშვილის სახელობის თბილისის სახელმწიფო უნივერსიტეტის ძველსლავურ ენების კათედრის დამაარსებლად. მთელი რიგი სამეცნიერო ნაშრომისა და მეტოდოლოგიური ლიტერატურის ავტორი.