დიდი გეტსბი (2013 წლის ფილმი)

„დიდი გეტსბი“
ჟანრი	რომანტიკული დრამა
დამდგმელი რეჟისორი	ბეზ ლურმენი
პროდიუსერი	ბეზ ლურმენი, დაგლას ვიკი
სცენარის ავტორი	ბეზ ლურმენი, კრეიგ პირსი
ნაწარმოები	დიდი გეტსბი; — ფრენსის სკოტ ფიცჯერალდი
როლებში	ლეონარდო დიკაპრიო, ტობი მაგუაირი
მუსიკა	კრეიგ არმსტრონგი
ოპერატორი	სიმონ დუგანი
მონტაჟი	მატ მილა, ჯეისონ ბალანტაინი, ჯონათან რედმონდი
მხატვარი	კათრინ მარტინი
დისტრიბუტორი	Warner Bros. Pictures
გამოსვლის თარიღი	10 მაისი, 2013
ხანგრძლივობა	143 წუთი
ქვეყანა	აშშ
ენა	ინგლისური
ბიუჯეტი	$ 105 მლნ
შემოსავალი	$ 351 040 419

დიდი გეტსბი (ინგლ. The Great Gatsby) — 2013 წლის ამერიკული 3D ფილმი. ფილმი წარმოადგენს ფრენსის სკოტ ფიცჯერალდის 1925 წლის რომანის „დიდი გეტსბი“ ეკრანიზაციას. ეს ამ წიგნის რიგით მეხუთე ეკრანიზაციაა.

სიუჟეტი

ყურადღება! ქვემოთ მოყვანილია სიუჟეტის და/ან დასასრულის დეტალები.

ახალგაზრდა ნიკ კაროვეი შუა დასავლეთიდან ჩავიდა ნიუ-იორკში 1922 წელს, რათა აიხდინოს ამერიკული ოცნება. ის დასახლდა უცნობი მილიონერის, ჯეი გეტსბის გვერდით. ყურის მეორე მხარეს კი ცხოვრობენ ნიკის ბიძაშვილი დეიზი ბიუქინენი და მისი ქმარი, ფეხბურთის ყოფილი ვარკსვლავი და ქალების მუსუსი ტომი, რომელბსაც ქალიშვილი ჰყავთ. ერთ საღამოს, როდესაც ნიკი დეიზი და ტომ ბიუკენენებ ვახშმიდან სახლში ბრუნდებოდა, დაინახა გეტსბის სილუეტი, რომელიც მარტო იდგა სახლის წინ და ჰორიზონტზე იდუმალ მწვანე შუქს უყურებდა.

ერთ დილას, ნიკმა მიიღო ოფიციალურ მიწვევას გეტსბის სასახლეში წვეულებაზე. წვეულებაზე ნიკმა შემთხვევით გაიცნო გეტსბი, რომელიც ის ჰიდროპლანით გასასეირნებლად დაპატიჟა. გეტსბიმ ნიკი გაასეირნა მანქანით ნიუ-იორკის ქუჩებში და მას თავისი ცხოვრების ისტორიას მოუყვა, უთხრა, რომ მშობლებიდან დიდი თანხა მიიღო მემკვიდრეობით, რომ ომობდა პირველ მსოფლიო ომში, რომ მის წინაშე დავალებულია ნიუ-იორკის პოლიციის დეპარტამენტის უფროსი და სხვა ამბები.

ჯორდანმა, გოლფის მოთამაშე ახალგაზრდა ქალმა, ნიკს მოუთხრო გეტსბის და დეიზის საერთო წარსულისა და დავიწყებული რომანის შესახებ. 5 წლის წინ ისინი შეყვარებულები იყვნენ, სანამ გეტსბი ომში არ გაიწვიეს. ომის დასრულების შემდეგ გეტსბი არ დაბრუნებულა, დეიზი ჩიკაგოელ ტომ ბიუქენენზე დაინიშნა და დაქორწინნდა. ქორწილის დილას მან მიიღო საიდუმლო წერილი, რომლის შინაარსი ჯორდანმა არ იცოდა. ჯორდანმა ისიც უთხრა ნიკს, რომ გეტსბი შეგნებულად დასახლდა დეიზისთან ახლოს და აწყობდა დიდ წვეულებებს, რათა ქალის ყურადღება მიეპყრო. გეტსბის სურდა, რომ ნიკის შუამავლობით დეიზი დაეპატიჟებინა ჩაიზე.

ნიკის ორგანიზებით დეიზი და გეტსბი ერთმანეთს საიდუმლოდ შეხვდნენ ნიკის სახლში. გეტსბიმ ნიკს მოუთხრო, როგორ შეუყვარდა დეიზი. ნიკის, ჯორდანის და დეიზის თვალწინ ტომი და გეტსბი ერთმანეთს სიტყვიერად დაუპირისპირდნენ, ტომმა გეტსბის წარსული გამოააშკარავა და გეტსბიმ ამ დროს მოთმინება დაკარგა. ჩხუბის შემდეგ დეიზი და გეტსბი ერთად წავიდნენ ტომის მანქანით და გზაში გაიტანეს მირტლ უილსონი, რომელიც ადგილზევე მოკვდა. უილსონი ტომის საყვარელი იყო, თუმცა დეიზიმ და გეტსბიმ ამის შესახებ არ იცოდნენ. იმ ღამით, ბიუქენენების სახლთან დადარაჯებულმა გეტსბიმ ნიკს უთხრა, რომ მანქანას დეიზი მართავდა. ჯორჯ უილსონს შეცდომით ეგონა, რომ მკვლელი გეტსბი იყო. ის შეიპარა გეტბსის სახლში და მოკლა ის მაშინ, როდესაც აუზში ცურავდა, ხოლო შემდეგ თავი მოიკლა. გეტსბის მკვლელობა ყვითელი პრესის მთავარ თემად იქცა.

ფილმის ბოლოს ნიკი ცდილობს გაიაზროს გეტსბის მისწრაფება მომავლისა და შეურყვნელი ოცნებისადმი და წერს წიგნს სახელად „გეტსბი“, რომელსაც ბოლოს დაამატებს სიტყვას „დიდი“.