დიდგორი (თბილისი)

დიდგორი
სოფელი
	დიდგორი;
	; დიდგორის მთა და სოფელი დიდგორი
ქვეყანა	საქართველო
მუნიციპალიტეტი	თბილისი
რაიონი	საბურთალო
კოორდინატები	41°47′35″ ჩ. გ. 44°40′15″ ა. გ. / 41.79306° ჩ. გ. 44.67083° ა. გ.
ცენტრის სიმაღლე	900 მ
მოსახლეობა	78 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
	დიდგორი ვიკისაწყობში

სხვა მნიშვნელობებისთვის იხილეთ დიდგორი.

დიდგორი — სოფელი თბილისში, საბურთალოს რაიონში. შედიოდა მცხეთის მუნიციპალიტეტის სოფელ დიღმის თემში. მდებარეობს დიდგორის მთის სამხრეთ კალთაზე, დიღმისწყლის ხეობაში. ზღვის დონიდან — 900 მეტრი, მცხეთიდან — 23 კილომეტრი, თბილისის რკინიგზის ცენტრალური სადგურიდან 16 კმ., სოფელ დიღმიდან 8 კმ. 2014 წლის აღწერის მონაცემებით სოფელში ცხოვრობს 78 კაცი.

ისტორია[რედაქტირება | წყაროს რედაქტირება]

1069 წელს მეფე ბაგრატ IV დიდგორში დაბანაკდა და სათავეში ჩაუდგა საქართველოში შემოჭრილ განძის ამირა ფადლონის წინააღმდეგ წარმოებულ ბრძოლებს. ბაგრატ IV მტრის წინააღმდეგ გაგზავნა მესხთა რჩეული ლაშქარი. ქართველებმა სასტიკად დაამარცხეს ფადლონის ოცდაათიათასიანი ლაშქარი.

დიდგორი XVII-XVIII საუკუნეებში ლეკთა მარბიელი ლაშქრობების წინააღმდეგ ბრძოლის მნიშვნელოვან სტრატეგიულ პუნქტად იქცა. 1729 წელს ქართველ მეთოფეთა ლაშქარი დიდგორის კოშკში ჩაუსაფრდა დიდგორ-გელიყარა-სამადლოს გზით ჯავახეთში გადასულ ლეკთა მარბიელ რაზმებს. უკან მობრუნებული ლეკთა რაზმი ქართველმა მეთოფეებმა გაანადგურეს და ნადავლი დაატოვებინეს.