დემნა გვასალია

მასალა ვიკიპედიიდან — თავისუფალი ენციკლოპედია
Jump to navigation Jump to search
დემნა გვასალია
დემნა გვასალია
დემნა გვასალია
საქმიანობა მოდის დიზაინერი
ლეიბლი Balenciaga
(2015.10-დღემდე)
Louis Vuitton
(2013-2015)
VETEMENTS
(2014-დღემდე)
დაბ. თარიღი 25 მარტი, 1981 (1981-03-25) (38 წლის)
დაბ. ადგილი სოხუმი, აფხაზეთის ასსრ, საქართველოს სსრ
ეროვნება ქართველი
ჯილდოები და პრემიები 2016 წლის Fashion Awards-ის წლის მზა ტანსაცმლის საერთაშორისო დიზაინერი
ოფიციალური გვერდი

დემნა გვასალია (დ. 25 მარტი, 1981, სოხუმი, აფხაზეთის ასსრ, საქართველოს სსრ) — ქართველი მოდის დიზაინერი, სწავლობდა თბილისის სახელმწიფო უნივერსიტეტში და ანტვერპენის სამეფო აკადემიაში ხელოვნების ფაკულტეტზე, ხელმძღვანელობდა Maison Martin Margiela-სა და Louis Vuitton-ის გუნდებს. ამჟამად ის არის Balenciaga-ს შემოქმედებითი დირექტორი და VETEMENTS-ის მთავარი დიზაინერი.

ადრეული წლები და კარიერის დასაწყისი[რედაქტირება | წყაროს რედაქტირება]

დემნა გვასალია დაიბადა საქართველოში 1981 წელს, სადაც მან გაატარა ცხოვრების 17 წელი. მოდის ინდუსტრიაში მომავალი ვარსკვლავის ახალგაზრდობის წლებმა სსრკ-ს სამხედრო კონფლიქტის დროს გაიარა. ასეთი რთული პირობების მიუხედავად მან შეძლო თბილისის სახელმწიფო უნივერსიტეტის დასრულება. დემნას ერთადერთი შთაგონების წყარო იყო მისი ბებია. მოზარდობის ასაკში დემნა იძულებული იყო ხშირად შეეცვალა საცხოვრებელი გარემო მამამისის სამუშაოს გამო, საბოლოოდ კი აღმოჩნდა ლონდონში, შემდეგ კი გერმანიაში. თავისი სტილის საპოვნელად დემნას საკმაო დრო დასჭირდა.

გვასალია წავიდა ანტვერპენში, რათა ჩარიცხულიყო ანტვერპის სამეფო აკადემიაში ხელოვნების ფაკულტეტზე. ვალტერ ვან ბეირენდონკმა, რომელიც აკადემიის რექტორი იყო დემნას შესთავაზა მამაკაცების ტანსაცმლის დიზაინერობა, როდესაც ის ჯერ კიდევ სწავლობდა. გვასალია ბეირენდოკთან წელიწადნახევარი მუშაობდა, ამის შემდეგ კი შექმნა ქალთა ტანსაცმლის კოლექცია. პრეზენტაციის ნახვა, როგორც პირდაპირ, ასევე შოურუმში იყო შესაძლებელი, მაგრამ ტანსაცმლის ყიდვა შეუძლებელი იყო. ამ პროექტმა დემნას პარიზში Maison Margiela-ში დაუმკვიდრა ადგილი, საიდანაც დაიწყო მისი ოფიციალური კარიერა მოდის სფეროში.

სამი წლის შემდეგ გვასალიამ მიიღო შეთავაზება Louis Vuitton-სგან, მაშინ როდესაც დემნა მუშაობდა მარკ ჯეიკობსთან, ბრენდზე, რომელიც არ იყო საკმარისად კონცეპტუალური და არ იყო თანხვედრაში დემნას გემოვნებასთან. დიზაინერმა დაუყვოვნებლივ მიიღო შეთავაზება და დაიწყო მოდის გიგანტის შიგნიდან შესწავლა.

მისი შემდგომი ნაბიჯი მოულოდნელი იყო. ისდუსტრიაში იმედგაცრუებულმა დემნამ თავის მეგობრებთან (Margiela-დან) შექმნა Vetements (ფრანგულად „ტანსაცმელი“), საკუთარი მოდის ხაზი, რომლითაც სურდა თავისი ხედვის მსოფლიოსთვის გაზიარება

Vetements[რედაქტირება | წყაროს რედაქტირება]

დემნა გვასალია 2016 წლის FASHION AWARDS-ის დაჯილდოებაზე, სადაც აიღო მზა ტანსაცმლის საერთაშორისო დიზაინერის პრიზი

Vetements მოჰყვა სწრაფი გამოხმაურება, ის იყო დამანგრეველი და მარგინალური, ამ მოდის ხაზმა, მიუხედავად იმისა, რომ დემნას არ გაუკეთებია ასეთი განცხადება, დაანგრია ტრადიციული მოდის კოდები. სინამდვილეში მისი გუნდი არ ფიქრობდა, იმავეს, რასაც სხვა მოდის სახლები. მათი მოტივი იყო ის, რომ ტანსაცმელი, რომელიც მოდის ჩვენებებზე გამოჰქონდათ გაყიდულიყო მაღაზიებში. დიზაინერის ნამუშევრები არის შეძლებისდაგვარად რეალისტური და სატარებლად კომფორტული.

გვასალია და Balenciaga[რედაქტირება | წყაროს რედაქტირება]

დემნა გვასალია Balenciaga-ს შემოქმედებითი დირექტორი

2015 წლის ოქტომბერში დემნა დანიშნეს Balenciaga-ს შემოქმედებით დირექტორად. ამით თავად დემნაც საკმაოდ გაკვირვებული იყო, მაგრამ ნათელი იყო, რომ ეს პოსტი მას Vetements-ის წარმატებულმა ჩვენებებმა მოუტანა, რომლის კოლექციები მოჩვენებითი უბრალოების პრინციპით იქმნება, და რომლის მიღმაც კარგად მოფიქრებული თარგები და ხარისხიანი მასალა იმალება. Vetements-ის სახელი გახმაურდა მაშინ, როდესაც მისმა ჯგუფმა ჩვენება მოაწყო ჩინურ რესტორანში Le Président-ში, შემდეგი ჩვენება გაიმართა პარიზის ერთ-ერთი კვარტლის მარეს გეი კლუბში - Le Dépôt. მარტში გუნდმა კიდევ გააკვირვა საზოგადოება ამერიკის საკათედრო გამზირზე გამართული ჩვენებით, სადაც სტუმრები დაბალ სკამებზე ისხდნენ.

ამ ჩვენებიდან სამი დღის შემდეგ დემნა გვასალიამ წარადგინა თავისი პირველი კოლექცია Balenciaga-სთვის. ექსპერტთა აზრი გაიყო - ზოგი აცხადებდა, რომ კოლექციამ სრული მარცხი განიცადა, ზოგიც კი პირიქით წარმატებას უწინასწარმეტყველებდა. აუდიტორია კი ერთ აზრზე იდგა, რომ ჩვენება იყო ძლიერი და სწორი, სწორედ დემნა გვასალიას ძალისხმევით, რომელმაც განახორციელა ის, რაც საუკეთესოდ გამოსდის - გააუმჯობესა თანამედროვე კლასიკა მოცულობისა და გაბედული ტანსაცმლის წყალობით. ხაზი აღმოჩნდა შემოქმედებითი და ახალი, ნაკლებად გიჟური და ნაკლებად საიდუმლო, Vetements-ისთვის დამახასიათებელი, მაგრამ ადაპტირებული, იმასთან, რაც აცვიათ რეალურ ცხოვრებაში, როგორც, ეჭვის გარეშე, თავად კრისტობალ ბალენსიაგა შეაფასებდა.

2016 წელს გამოცემამ Business of Fashion-მა დემნა გვასალია წლის პერსონად აღიარა. 2016 წლის Fashion Awards-ის დაჯილდოებაზე დემნა გვასალიამ აიღო წლის მზა ტანსაცმლის საერთაშორისო დიზაინერის ჯილდო, ხოლო Vetements გახდა წლის საერთაშორისო ქალაქური ლუქს კლასის ბრენდი.

რესურსები ინტერნეტში[რედაქტირება | წყაროს რედაქტირება]