დაწინაურებული კვლევის პროექტების სააგენტო

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
DARPA–ს სათავო ოფისი არლინგტონში

DARPA – თავდაცვის დაწინაურებული პროექტების სააგენტო (The Defense Advanced Research Projects Agency) არის აშშ–ს თავდაცვის დეპარტამენტის სააგენტო, რომელიც პასუხისმგებელია ახალი ტექნოლოგიების განვითარებაზე სამხედრო მიზნებისთვის. DARPA–მ მრავალი პროექტი დააფინანსა, რომლებაც ხელი შეუწყო მსოფლიო ტექნოლოგიების განვითარებას, კომპიუტერული ქსელისა და NLS–ის ჩათვლით (პირველი ჰიპერტექსტული სისტემები), იგი იყო მომხმარებლის გრაფიკული ინტერფეისის შექმნის წარმმართველი ფაქტორი.

მისი თავდაპირველი სახელი ARPA იყო – დაწინაურებული პროექტების სააგენტო (Advanced Research Projects Agency), მაგრამ 1972 წლის მარტში სახელი გადაერქვა და DARPA – თავდაცვის დაწინაურებული პროექტების სააგენტო გახდა, 1993 წლის თებერვალში იგი კვლავ ARPA, ხოლო 1996 წლის მარტში ისევ DARPA გახდა.

DARPA 1958 წელს საბჭოთა კავშირის პროექტის სპუტნიკის საპასუხოდ, რომელიც 1957 წელს გაეშვა, შეიქმნა. მის დავალებას სახელმწიფოს პოტენციურ მტრებზე უკეთესი სამხედრო ტექნოლოგიის შექმნა და განვითარება შეადგენდა. თავად DARPA ასე წარადგინეს

DARPA–ს ძირითადი მისია იყო რომ ქვეყნისთვის მომავალში თავიდან აერიდებინა გაოცება, რომელიც სპუტნიკის გაშვებამ მოახდინა, რომელმაც თავის მხრივ ჰპოვა გამოძახილი, რომ საბჭოეთმა დაამარცხა აშშ კოსმოსში. მისია კვლავ ძალაში რჩება. დღეს, DARPA–ს დავალება ისევ ტექნოლოგიური გაოცების არიდებაა აშშ–სთვის, მაგრამ ასევე ტექნოლოგიური საოცრების შექმნა მისი მტრებისთვის.

DARPA დამოუკიდებელი კვლევისა და განვითარების სააგენტოა, იგი ყველა დანარჩენისგან განსხვავდება და პირდაპირ აწვდის ინფორმაციას თავდაცვის დეპარტამენტს. DARPA–ს მომსახურე პერსონალი დაახლოებით 240 ადამიანს შეადგენს (მათგან დაახლოებით 140 ტექნიკური), მისი წმინდა ბიუჯეტი 3.2 მილიარდი დოლარია. ამ ადამიანების რაოდენა არის მიახლოებითი, რადგან DARPA ფოკუსირებულია მოკლე ვადიან (2–დან 4 წლამდე) პროექტებზე, რომლებსაც პატარა, სპეციფიურად შედგენილი გუნდები უძღვებიან.

რესურსები ინტერნეტში[რედაქტირება | წყაროს რედაქტირება]