დავით I კურაპალატი
| დავით I კურაპალატი | |
|---|---|
| ტაო-კლარჯეთის მეფე | |
| მმართ. დასაწყისი: | 876 |
| მმართ. დასასრული: | 881 |
| წინამორბედი: | ბაგრატ I |
| მემკვიდრე: | გურგენ I |
| შვილები: |
ადარნასე II 1 ქალიშვილი |
| დინასტია: | ბაგრატიონები |
| მამა: | ბაგრატ I კურაპალატი |
დავით I კურაპალატი (გ. 881) — ბაგრატ I-ის უფროსი ძე, ბაგრატიონთა ტაოს შტოს წარმომადგენელი. კურაპალატი 876 წლიდან. იბრძოდა შიდა ქართლისათვის (სომეხთა მეფის მხარდაჭერით) აფხაზთა მეფის ადარნასე შავლიანის წინააღმდეგ; ამ უკანასკნელის მოკავშირეები იყვნენ თავისი ცოლისძმა ნასრა გვარამის ძე და გურგენ ადარნასეს ძე ბაგრატიონები. 881 წელს დავით I ვერაგულად მოკლა გვარამ (გუარამ) მამფალის ძემ ნასრამ. ივანე ჯავახიშვილის აზრით, მკვლელობის მიზეზი გახდა შემდეგი გარემოება: როდესაც ლიპარიტ I ბაღვაშმა გვარამ მამფალის კუთვნილი თრიალეთის ქვეყანა დაიპყრო და თავის პატრონად და მფარველად დავით I გამოაცხადა, ნასრამ ეს აქტი გვარამის სახლის მფლობელობის ხელყოფად მიიჩნია და მამის შელახული უფლების აღდგენა მოისურვა.
ლიტერატურა
[რედაქტირება | წყაროს რედაქტირება]- ბოგვერაძე ა., ქართული საბჭოთა ენციკლოპედია, ტ. 3, თბ., 1978. — გვ. 333.
- ბოგვერაძე ა., ენციკლოპედია „საქართველო“, ტ. 2, თბ., 2012. — გვ. 261.
| წინამორბედი: ბაგრატ I |
ტაო-კლარჯეთის მეფე 876 - 881 |
შემდეგი: გურგენ I |