დავით ოძელაშვილი
დავით ოძელაშვილი, „ოძელა“ (დ. 30 ივნისი, 1974, თბილისი ― გ. 20 სექტემბერი, 2002, ვენა, ავსტრია) — ქართველი მუსიკოსი (ფლეიტისტი).
დაამთავრა 62-ე საშუალო სკოლა; 21-ე მუსიკალური სასწავლებელი; მე-5 მუსიკალური ტექნიკუმი; თბილისის კონსერვატორია; მოცარტის აკადემია.
1999 წლიდან ოძელა იყო ჯაზ-კვარტეტის „თბილისი“ წევრი (ფლეიტა) ოთარ მაღრაძესთან (ფორტეპიანო), ოთარ საგანელიძესთან (კონტრაბასი) და ვალერი ფაილოძესთან (დასარტყმელი საკრავები). დათოს თანამშრომლობა ოთარ მაღრაძესთან დაიწყო 1998 წლიდან ალმბომზე მუშაობის დროს სადაც მათ ერთად ორი კომპოზიცია ჩაწერეს - „თათრის მოედანი“ და „გურული ჩანახატები“.
ჯგუფში ვალერი ფაილოძის შემოერთებამდე ოძელა ტრიოში მონაწილეობს ზაარბრიუკენის 1000 წლისთავისადმი მიძღვნილ მუსიკალურ ფესტივალში, სადაც სპეციალური მედლით დაჯილდოვდნენ წარმატებული შესრულებისთვის.
შემდგომში დათო ჯაზ-კვარტეტთან ერთად გამოდის საერთაშორისო ჯაზ-ფესტივალზე ნანტში 2000 წლის სექტემბერში და თბილისში იმავე წელს გამართულ ჯეოსელის ჯაზ-ფესტივალში.
გარდაიცვალა 2002 წლის 20 სექტემბერს ვენაში.
ოძელა ავსტრიაში საქართველოს კულტურის დღეებში მონაწილეობდა.
დარჩა მეუღლე - ლალი და ორი პატარა შვილი: ანანო და ლაზარე.