დავით იმედაშვილი (რეჟისორი)

მასალა ვიკიპედიიდან — თავისუფალი ენციკლოპედია
Jump to navigation Jump to search
დავით იმედაშვილი
დავით იმედაშვილი (David Imedo).png
დაბადების სახელი დავით იმედაშვილი
დაბადების თარიღი 23 აპრილი, 1979 (1979-04-23) (41 წლის)
მოქალაქეობა საბჭოთა კავშირის დროშა სსრკ
საქართველოს დროშა საქართველო
საქმიანობა რეჟისორი, პროდიუსერი
ცნობილი ნაშრომები „ოცნების ქალაქი“
„ვისი სული გსურს“
„აგვისტოს 5 დღე“
მეუღლე(ები) ანნა იმედაშვილი
შვილ(ებ)ი 4

დავით იმედაშვილი (დ. 23 აპრილი, 1979, თბილისი) — ქართველი რეჟისორი და პროდიუსერი. სარეჟისორო კარიერა 90-იან წლებში დაიწყო. მისი ცნობილი ნამუშევრებია  „ოცნების ქალაქი“ (2009) და „ვისი სული გსურს“ (2016). იგი აგრეთვე არის გახმაურებული ჰოლივუდური მძაფრსიუჟეტიანი თრილერის, „აგვისტოს 5 დღე“ აღმასრულებელი პროდიუსერი

ბიოგრაფია[რედაქტირება | წყაროს რედაქტირება]

დაიბადა თბილისში, 1979 წლის 23 აპრილს. 15 წლის ასაკში სასწავლო სატელევიზიო ცენტრის სტუდენტი გახდა. 2004 წელს დაამთავრა შოთა რუსთაველის სახელობის თბილისის თეატრალური ინსტიტუტის სარეჟისორი ფაკულტეტი.

ტელეკარიერა[რედაქტირება | წყაროს რედაქტირება]

1990-იანი წლების ბოლოს დავით იმედაშვილი რეჟისორისა და მონტაჟის რეჟისორის პოზიციებს ისეთ სატელევიზიო გადაცემებში იკავებდა, როგორებიცაა „კომუნიკატორი“, „ჩემი მშვენიერი ლედი“, „პასეანსი“ და „ამბობენ“. 2004-2006 წლებში იყო საზოგადოებრივი მაუწყებლის პრომოებისა და ანონსების რეჟისორი და არხის რეჟისორი.

დავით იმედაშვილის რეჟისორის პოზიციას იკავებდა პირველ ფორმატირებულ რეალითი შოუში ქართულ სატელევიზიო სივრცეში — „Fort Boyard“, რომელიც ქვეყნის წამყვან მაუწყებელზე 2004 წელს დაიწყო.

ის პირველი ქართველი რეჟისორი და პროდიუსერია, რომელმაც ქართულ სატელევიზიო სივრცეში ისეთი ცნობილი ტელეშოუების ფორმატები შემოიტანა, როგორებიცაა „ახალი ხმა“ და „ჩემი სამზარეულოს წესები“. ის ასევე გახლდათ „The Voice of Azerbaijan“-ის პროდიუსერი და ახალი სატელევიზიო ფორმატების შემქმნელი: ტელეპროექტი „სახლი“, ტელეშოუ „ინფლუენსერი“ და სატელევიზიო პროექტი „როგორ დავრჩით სახლში“.

2017-2018 წლებში ტელეკომპანია რუსთავი 2-ზე იყო საერთაშორისო პროექტების ხელმძღვანელი.

ის არაერთი ცნობილი მუსიკალური და სარეკლამო ვიდეორგოლის ავტორია, ასევე გახლავთ სახელმწიფო ღონისძიების დამდგმელი რეჟისორი, როგორიცაა 2008 წლის პრეზიდენტის ინაუგურაციის ცერემონია, დამოუკიდებლობის დღის აღლუმი, თუ საახალწლო ღონისძიებები.

კინო კარიერა[რედაქტირება | წყაროს რედაქტირება]

პირველი სრულმეტრაჟიანი მხატვრული ფილმი — „ოცნების ქალაქი“ 2009 წელს გადაიღო.[1] 2016 წელს მისი რეჟისურით ეკრანებზე ახალი რომანტიკული კომედია და ფენტეზი — „ვისი სული გსურს“ გამოვიდა.[2]

2011 წელს იყო ქართულ-ამერიკული თრილერი ფილმის „აგვისტოს 5 დღე“ აღმასრულებელი პროდიუსერი[3], რომელშიც მონაწილეობენ ჰოლივუდის ვარსკვლავები როგორებიც არიან ენდი გარსია, ველ კილმერი, რუპერტ ფრენდი, და სხვები.

პირადი ცხოვრება[რედაქტირება | წყაროს რედაქტირება]

დავით იმედაშვილს 3 ქორწინებიდან 4 შვილი ჰყავს. რეჟისორის მეუღლე ცნობილი ტელეწამყვანი ანნა იმედაშვილი არის.[4]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. „ოცნების ქალაქი“. ეროვნული ფილმოგრაფია. დაარქივებულია ორიგინალიდან — 16 ოქტომბერი, 2020. ციტირების თარიღი: 16 ოქტომბერი, 2020.
  2. ახალი ქართული ფილმი „ვისი სული გსურს“ უკვე კინო-ეკრანებზეა. Musicbox.ge (9 მაისი, 2016). დაარქივებულია ორიგინალიდან — 16 ოქტომბერი, 2020. ციტირების თარიღი: 16 ოქტომბერი, 2020.
  3. John Anderson. (8 აგვისტო, 2011) 5 Days of War. Variety. დაარქივებულია ორიგინალიდან — 16 ოქტომბერი, 2020. ციტირების თარიღი: 16 ოქტომბერი, 2020.
  4. ანნა იმედაშვილი — სექსუალური წამყვანი და მზრუნველი დედა. Ambebi.ge (13 დეკემბერი, 2013). დაარქივებულია ორიგინალიდან — 16 ოქტომბერი, 2020. ციტირების თარიღი: 16 ოქტომბერი, 2020.