გურამ გეგეშიძე

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სხვა მნიშვნელობებისთვის იხილეთ გეგეშიძე.
გურამ გეგეშიძე
Guram-gegeshidze.jpg
დაბ. თარიღი 21 ივლისი 1934(1934-07-21) (85 წლის)
დაბ. ადგილი თბილისი, საქართველოს სსრ, სსრკ
საქმიანობა მწერალი
ენა ქართული ენა
მოქალაქეობა Flag of the Soviet Union.svg სსრკ
Flag of Georgia.svg საქართველო
ალმა-მატერი თბილისის სახელმწიფო უნივერსიტეტი
ჟანრი რომანი და მოთხრობა
Magnum opus სტუმარი

გურამ შალვას ძე გეგეშიძე (დ. 21 ივლისი, 1934) — ქართველი მწერალი.

ბიოგრაფია[რედაქტირება | წყაროს რედაქტირება]

გურამ გეგეშიძე დაიბადა 1934 წლის 21 ივლისს, ქ. თბილისში, ექიმის ოჯახში. დაამთავრა თბილისის პირველი ვაჟთა სკოლა, შემდეგ თბილისის სახელმწიფო უნივერსიტეტის ფილოლოგიური ფაკულტეტი 1957 წელს და მოსკოვის უმაღლესი სასცენარო კურსები 1962 წელს.

წლების განმავლობაში მუშაობდა კინოსტუდია „ქართულ ფილმში“. იყო რუსთაველის საზოგადოების ვიცე–პრეზიდენტი და თავმჯდომარის მოვალეობის შემსრულებელი.

ბეჭდვა დაიწყო 1957 წელს განახლებულ ჟურნალ „ცისკარში“ გურამ რჩეულიშვილთან ერთად. პირველი მოთხრობა „სანამ ერთად ვართ“ დაწერა 1957 წელს, რომელიც ჟურნალ „ცისკარში“ გამოაქვეყნა. პირველი წიგნი „მზეა, თბილა“ 1965 წელს დაწერა. ეს პუბლიკაციები იყო პირველი ნაბიჯი მაშინ გაბატონებული, ეგრეთ წოდებული, სოციალისტური რეალობის მარწუხებიდან ქართული პროზის თავდაღწევისა, რამაც დასაბამი მისცა სალიტერატურო ასპარეზზე ახალი თაობის შესანიშნავი ქართველი მწერლების გამოჩენას.

ჰყავს მეუღლე, ორი შვილი ( ქალ-ვაჟი), ექვსი შვილიშვილი.

გამოქვეყნებული წიგნები[რედაქტირება | წყაროს რედაქტირება]

  • „მზეა, თბილა“ – მოთხრობების კრებული(1965)
  • „ცოდვილი“ – რომანი (1966)
  • „სიშორე“ – მოთხრობების კრებული (1967)
  • „შურისძიება“ (1968)
  • „დევნილი“ – მოთხრობა (1968)
  • „სტუმარი“ – რომანი (1970)
  • „მოთხრობები“ (1971)
  • რომანების ტომი სათაურით „ორი რომანი“ (1978)
  • „ხმა მღაღადებლისა“ – რომანი (1982)
  • „აპრილი“ - მოთხრობების კრებული (1985)
  • თხზულებათა „ერთტომეული“ (1987)
  • „ჟამი“ – მოთხრობები (1989)
  • პუბლიცისტურ-კრიტიკულ თხზულებათა კრებული „სიტყვები“ (1990)
  • „სისხლის წვიმები“ – რომანი (1993)
  • "ნაცრის კოშკი" – რომანი (2001)
  • დევნილი და სხვა მოთხრობები (2009)

ეს წიგნები დაბეჭდილია გამომცემლობა „მერანის“ და „საბჭოთა საქართველოს“ მიერ. მისი ნაწარმოებები თარგმნილია სხვადასხვა ენაზე.

ფილმოგრაფია[რედაქტირება | წყაროს რედაქტირება]

  • „კაშხალი მთაში“, სცენარის ავტორი, 1979 წ.
  • „დიდი მწვანე ველი“, როლი: მთავარი გეოლოგი, 1967 წ.

რესურსები ინტერნეტში[რედაქტირება | წყაროს რედაქტირება]