გუნდაობა (მოკლემეტრაჟიანი ფილმი)
| „გუნდაობა“ | |
|---|---|
 | |
| რეჟისორი | უცნობი |
| პროდიუსერი | ძმები ლუმიერები |
| გამოსვლის თარიღი | 1897 |
| ხანგრძლივობა | 44 წამი |
| ქვეყანა | საფრანგეთი |
| ენა | მუნჯი |
„გუნდაობა“ (ასევე ცნობილი, როგორც „Bataille de neige“)[1][2] — 1897 წლის ფრანგული, მოკლემეტრაჟიანი, მუნჯი ფილმი, ძმებ ლუმიერების პროდიუსერობით. გადაღებულ იქნა ლიონში, საფრანგეთში. ასახავს ქუჩაში გუნდაობის სცენას.
შინაარსი
[რედაქტირება | წყაროს რედაქტირება]კამერა თოვლით დაფარული ქუჩის კადრს გვაჩვენებს. ქუჩის ორივე მხარეს მდგარი რამდენიმე პიროვნება გუნდაობაშია ჩართული. გზაზე გამოდის ველოსიპედისტი, რომელსაც ხვდება ნასროლი გუნდები, კარგავს ველოსიპედზე კონტროლს და მიწაზე ეცემა. ერთ-ერთი (მამაკაცი) მოთამაშე დაცემულის ველოსიპედს იღებს და აყენებს, რა დროსაც ველოსიპედისტიც დგება, სწრაფად ართმევს მამაკაცს ველოსიპედს, ზედ ჯდება და კადრიდან გადის. გუნდაობა გრძელდება.[3]
გადაღების პროცესი
[რედაქტირება | წყაროს რედაქტირება]გადაღება შედგა ლიონში, საფრანგეთში.[3] კადრი გადაღებულ იქნა სინემატოგრაფით, კამერით, რომელიც ფილმის პროექტორად და დამამუშავებლადაც გამოიყენებოდა. ყველა სხვა ადრეული ლუმიერის ფილმის მსგავსად, ჩანაწერი 35 მმ ფორმატში, 1.33:1-ის სიგრძე-სიგანის თანაფარდობით გაკეთდა.
დღევანდელი მდგომარეობა
[რედაქტირება | წყაროს რედაქტირება]მისი სიძველიდან გამომდინარე, ფილმის ინტერნეტიდან უფასოდ გადმოწერა დაშვებული და შესაძლებელია. ის შევიდა მრავალ კინოკოლექციაში, მათ შორის „კინო იწყება — ადრეული კინემატოგრაფიის საგანძური, 1894-1913“.[4] 2020 წელს „New York Times“-მა ფილმის აღდგენილი ვერსიის შესახებ სტატია გამოაქვეყნა, რომელშიც განიხილება რუსი მოყვარული კინორესტავრატორის მიერ ატვირთული, გაფერადებული ჩანაწერი Youtube-ის პლატფორმაზე. სემ ანდერსონმა, სტატიის ავტორმა, ამ რესტავრაციას „გამაოგნებლად თანამედროვე იერის მქონე“ უწოდა.[5]
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ Bataille de neige (3 December 2013).
- ↑ 1896-1906-films LUM 0101.
- ↑ 3.0 3.1 McKim, Kristi (2013). Cinema as Weather: Stylistic Screens and Atmospheric Change, Routledge Advances in Film Studies (en). Routledge, გვ. 46. ISBN 978-0415894128.
- ↑ DVD. ციტირების თარიღი: 10 June 2007
- ↑ Anderson, Sam (5 November 2020). „Watch This Snowball Fight From 1897 for a Jolt of Pure Joy“. The New York Times. ციტირების თარიღი: 7 November 2020.