გულიანი

სოფელი
გულიანი
ქვეყანა	საქართველო
მხარე	გურიის მხარეგურიის მხარე
მუნიციპალიტეტი	ლანჩხუთის მუნიციპალიტეტი
თემი	ჩოჩხათი
კოორდინატები	42°01′16″ ჩ. გ. 41°55′27″ ა. გ.
ცენტრის სიმაღლე	100 მ
მოსახლეობა	397 კაცი (2014)
ეროვნული შემადგენლობა	ქართველები 99,7 %
სასაათო სარტყელი	UTC+4
სატელეფონო კოდი	+995

გულიანი — სოფელი გურიის მხარის ლანჩხუთის მუნიციპალიტეტში, ჩოჩხათის ადმინისტრაციულ ერთეულში.

მდებარეობს გურიის ქედის მთისწინეთში, მთა გულიანის ძირას, მდინარე შუთის (სუფსის მარჯვენა შენაკადი) მარცხენა ნაპირზე, ზღვის დონიდან 100 მ., ლანჩხუთიდან 17 კმ. საავტომობილო გზით უკავშირდება ლანჩხუთს, ოზურგეთსა და სუფსას. სოფლის სახელწოდება მომდინარეობს გულიანის მთიდან, რომელსაც გულის ფორმის გამო შეერქვა ეს სახელი. ამავე მთაზე იდგა ციხე. სოფელში მოდის გოგირდოვანი წყალი. სოფელში იდგა წმინდა გიორგის ქვის ეკლესია.

მოსახლეობა

აღწერის წელი	მოსახლეობა	კაცი	ქალი
1908	938
1911	1101
2002	545
2014	397

ღვედი

სოფელი ღვედი და ღვედის ეკლესია იხსენიება 1820 წელს, როდესაც იმერეთის აჯანყების ჩახშობის დროს ის ააოხრა რუსეთის იმპერიის ჯარმა. ღვედის წმინდა ანდრია მოციქულის ქვის ეკლესია იხსენიება არქიმანდრიტ არსენ მგალობლიშვილის მიერ 1828 წელს შედგენილ ჯუმათის საეპისკოპოსოს ეკლესიების სიაში. მის სამრევლოში შედიოდა 78 კომლი.

ეკლესია თითქმის საძირკვლის დონემდეა დანგრეული. ნაეკლესიარი ორგვლივ გალავნის ფრაგმენტები იკითხება. ირგვლივ მიმოფანტულია ეკლესიის საპირე ქვები.

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 301.