გუდალეთი

სოფელი
გუდალეთი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	კასპის მუნიციპალიტეტი
თემი	კავთისხევი
კოორდინატები	41°49′50″ ჩ. გ. 44°24′42″ ა. გ.
ცენტრის სიმაღლე	1000 მ
მოსახლეობა	142 კაცი (2014)
ეროვნული შემადგენლობა	ქართველები 97,2 % ოსები 1,4 %
სასაათო სარტყელი	UTC+4
სატელეფონო კოდი	+995

გუდალეთი — სოფელი აღმოსავლეთ საქართველოში, შიდა ქართლის მხარის კასპის მუნიციპალიტეტში, კავთისხევის ადმინისტრაციულ ერთეულში. მდებარეობს თრიალეთის ქედის ჩრდილოეთ კალთაზე. მდინარე გავაზურისწყლის (კავთურის მარცხენა შენაკადი) ორივე ნაპირას. ზღვის დონიდან 1000 მეტრზე, კასპიდან დაშორებულია 19 კილომეტრით.

ისტორია

გუდალეთი წყაროებში პირველად XIV საუკუნის ბოლოს იხსენიება მცხეთის საკათოლიკოსო მამულების 1392 წლის თარხნობის გუჯარში. ვახუშტი ბატონიშვილის (XVIII ს.) სოფელთა სიაში მოხსენიებულია „გუდარეხის" სახელწოდებით. 1635 წელს გუდალეთი თავისი მონასტრითა და სასახლით მეფე როსტომმა პაატა ყორღანაშვილ-იარალისშვილს დაუმტკიცა. საბუთების მიხედვით იგი სააკაძისეულ სოფლად ითვლებოდა.გიორგი სააკაძის საქართველოდან გადახვეწის შემდეგ სოფელი სახასო იყო და მეფე როსტომმა იორამ სააკაძეს უბოძა. XVIII საუკუნეში სოფელს თავადი თარხნიშვილები ფლობდნენ.

სოფელში ხუროთმოძღვრების მრავალი ძეგლია შემორჩენილი:

• გუდალეთის კვირაცხოვლის ეკლესია
• გუდალეთის ტაძარი
• გუდალეთის წმინდა გიორგის ეკლესია
• გუდალეთის წმინდა ესტატეს ეკლესია
• გუდალეთის წმინდა მარიამის ეკლესია
• გუდალეთის წმინდა მარინეს ეკლესია
• კაციაანთ ეკლესია
• ჭოტისუბნის წმინდა მარინეს ეკლესია
• გუდალეთის სამაროვანი

დემოგრაფია

2014 წლის აღწერის მონაცემებით სოფელში ცხოვრობს 142 ადამიანი.

აღწერის წელი	მოსახლეობა	კაცი	ქალი
2002	163	86	77
2014	142	73	69

ლიტერატურა

• ანდღულაძე ნ., გვასალია ჯ., ენციკლოპედია „საქართველო“, ტ. 2, თბ., 2012. — გვ. 177-178.
• მაკალათია ს., კავთურას ხეობა, თბ., 1960