გრიგოლ ჩიჯავაძე
გრიგოლ ჩიჯავაძე (დ. 14 ოქტომბერი, 1914, სოფ. ციხესულორი, ახლანდ. ვანის მუნიციპალიტეტი — გ. 1993) — ქართველი ინჟინერ-მშენებელი, სარწყავი სისტემებისა და წყალგაყვანილობის სპეციალისტი. საქართველოს დამსახურებული ინჟინერი (1966).
ბიოგრაფია[რედაქტირება | წყაროს რედაქტირება]
დაიბადა ქუთაისის მაზრის სოფელ ციხესულორში (ამჟამინდელი ვანის მუნიციპალიტეტი). 1941 წელს დაამთავრა კიროვის სახელობის საქართველოს ინდუსტრიული ინსტიტუტი. ინსტიტუტის დამთავრების შემდეგ, 1941-1980 წლებში მუშაობდა ხელმძღვანელ თანამდებობებზე საქართველოს სსრ წყალთა მეურნეობის სამშენებლო ობიექტებზე სოხუმში, ქუთაისსა და თბილისში. 1981 წლიდან მუშაობდა „მთავარსაქწყალმშენის“ სამმართველოს უფროსის მოადგილედ. საქართველოს სსრ-ში სარწყავი სისტემების მშენებლობის ინდუსტრიალიზაციისათვის სპეციალისტთა ჯგუფთან ერთად მიენიჭა საქართველოს სახელმწიფო პრემია.
ჯილდოები[რედაქტირება | წყაროს რედაქტირება]
- 1971 — საქართველოს სახელმწიფო პრემია (სპეციალისტთა ჯგუფთან ერთად)
- 1966 — საქართველოს დამსახურებული ინჟინერი
- საპატიო ნიშნის ორდენი
- შრომის წითელი დროშის ორდენი
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 11, თბ., 1987. — გვ. 145.
- საქართველოს არქიტექტორთა და მშენებელთა ენციკლოპედია, გვ. 643-644, თბ., 2017.
- ქართველი ინჟინრები
- დაბადებული 1914
- გარდაცვლილი 1993
- დაბადებული 14 ოქტომბერი
- ვანის მუნიციპალიტეტში დაბადებულები
- ჩიჯავაძეები
- საქართველოს ინდუსტრიული ინსტიტუტის კურსდამთავრებულები
- ქართველი ინჟინერ-მშენებლები
- საქართველოს სსრ-ის დამსახურებული ინჟინრები
- საქართველოს სახელმწიფო პრემიის ლაურეატები
- საპატიო ნიშნის ორდენის კავალრები
- შრომის წითელი დროშის ორდენის კავალრები