გრიგოლ აბაშიძე (პოეტი)

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ აბაშიძე.
Confusion.svg არ უნდა აგვერიოს შემდეგ მნიშვნელობა(ებ)ში: გრიგოლ აბაშიძე.
გრიგოლ აბაშიძე
დაბ. თარიღი 1866
დაბ. ადგილი დილიკაური, ქუთაისის გუბერნია, რუსეთის იმპერია
გარდ. თარიღი 1903
გარდ. ადგილი სანქტ-პეტერბურგი, რუსეთის იმპერია
საქმიანობა პოეტი
მოქალაქეობა რუსეთის იმპერია

გრიგოლ დავითის ძე აბაშიძე (დ. 1866, დილიკაური, ქუთაისის გუბერნია — გ. 1903, პეტერბურგი) — ქართველი პოეტი.

ბიოგრაფია[რედაქტირება | წყაროს რედაქტირება]

სამწერლო ასპარეზზე XIX საუკუნის 80-იან წლებში გამოვიდა. თანამშრომლობდა ქართულ ჟურნალ-გაზეთებში, მონაწილეობდა თეატრალურ წარმოდგენებში, სალიტერატურო საღამოებში. აბაშიძის პოეზია ქართველ „სამოციანელთა“ ლიტერატურულ ტრადიციებს მიჰყვება. მისი ლექსი ლირიზმითა და განწყობილების სიმძაფრით გამოირჩევა („სიმღერა სასოწარკვეთილისა“, 1900 და სხვ.). წერდა პოემებს („ცრემლთა წყარო“, 1901; „დედა“, 1900), თარგმნიდა (მიხეილ ლერმონტოვის „მწირი“, 1893; ფრანსუა კოპეს „ბუდას მერცხალი“, 1900; მეთიუ არნოლდის „მნათობი აზიისა“, 1900). პოეტის ლექსებზე შექმნილი პოპულარული სიმღერები შედიოდა დები იშხნელებისა და ვანო სარაჯიშვილის რეპერტუარში („ოხ, მარგალიტავ!“, 1896; რომანსი — „ოდესაც გიცქერ…“, 1899).

ლიტერატურა[რედაქტირება | წყაროს რედაქტირება]

  • ვართაგავა ი., კრიტიკული წერილები, ტ. 1, თბ., 1958;
  • ზანდუკელი მ., ლიტერატურული ნარკვევები, ტ. 1, თბ., 1957