გრავეტული დანა

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა

გრავეტული დანა, გრავეტის ტიპის დანა, — კაჟის ან სხვა ქანის მეტ-ნაკლებად პარალელურგვერდებიანი, ვიწრო, სწორი ფირფიტა (ლამელა), რომლის ცალი გვერდი დაბლაგვებულია ციცაბო რეტუშით. სახელი ეწოდა პალეოლითური ძეგლის ლა-გრავეტის (საფრანგეთი) მიხედვით. გაჩნდა ზედა პალეოლითის ადრეულ საფეხურზე. ფართოდ გავრცელდა ორინიაკისა და მომდევნო ხანაში, განსაკუთრებით, სამხრეთ-დასავლეთ ევროპაში. საქართველოში მრავლად გვხვდება ზედა პალეოლითის შუა და გვიანდელი ხანის ძეგლებში (დევისხვრელი, მღვიმევი, გვარჯილის კლდე და სხვ.).

ლიტერატურა[რედაქტირება | წყაროს რედაქტირება]