გონოკოკი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
გონოკოკი
Gonococcal urethritis PHIL 4085 lores.jpg
გონოკოკური ურეთრიტის გრამის წესით შეღებვა. ყურადღება გაამახვილეთ ნეიტროფილების განაწილებასა და როგორც უჯრედშიდა, ისე უჯრედგარე ბაქტერიების ყოფნაზე.
მეცნიერული კლასიფიკაცია
დომენი:  ბაქტერიები
სამეფო:  ბაქტერიები
ტიპი:  პროტობაქტერიები
კლასი:  ბეტაპროტობაქტერიები
რიგი:  Neisseriales
ოჯახი:  Neisseriaceae
გვარი:  Neisseria
სახეობა:  გონოკოკი
ლათინური სახელი
Neisseria gonorrhoeae
(Zopf 1885) Trevisan 1885
სინონიმები
  • Micrococcus der Gonorrhoe Neisser, 1879
  • Gonococcus neisseri Lindau, 1898

გონოკოკი (ლათ. Neisseria gonorrhoeae) — გრამუარყოფითი აერობული ბაქტერია Neisseriaceae-ის ოჯახისა. გონორეისა და ბლენორეის გამომწვევი. აღმოაჩინა ალბერტ ლუდვიგ ნაისერმა 1879 წელს. უჯრედები (სიგრძით 1,25 მკმ, სიგანით 0,7–0,8 მკმ) უძრავია, წყვილ-წყვილადაა შეერთებული გაბრტყელებული ზედაპირებით, რაც ყავის მცენარის პარკების შესახედაობას აძლევს; გარშემორტყმულია ნაზი ლორწოვანი კაფსულით; სპორებს არ წარმოქმნიან. ზრდისათვის ოპტიმალური ტემპერატურაა 35–37 °C. ბინადრობის ძირითადი ადგილია შარდ-სასქესო გზების ლოწროვანი გარსი, იშვიათად — სწორი ნაწლავის ან ხახისა, ბლენორეის დროს — თვალისა; დაავადებულთა ჩირქოვან გამონადენში აღმოჩენილია ლეიკოციტების შიგნით. გონოკოკის ტოქსიკურობა განპირობებულია ლიპოპოლისაქარიდით, რომელიც გამოთავისუფლდება ბაქტერიის დაშლის დროს. მხოლოდ ადამიანის პათოგენია.[1]

სქოლიო[რედაქტირება | წყაროს რედაქტირება]

  1. Баснакьян И. А. Гонококки // Большая российская энциклопедия. т. 7. — М., 2007. — стр. 408.