გიორგი ქუფარაშვილი
გიორგი ქუფარაშვილი — ქართველი სამხედრო პირი, თადარიგის ვიცე-პოლკოვნიკი, უკრაინის შეიარაღებული ძალების მოხალისე მებრძოლი.
საქართველოს შეიარაღებულ ძალებში ირიცხებოდა 1992 წლიდან.[1] მოგვიანებით მსახურობდა კოჯორში მდებარე სპეცდანიშნულების ძალების ბაზაზე. 1999 წლიდან მაიორი ქუფარაშვილი ხელმძღვანელობდა პირველ საერთაშორისო სამშვიდობო მისიას საქართველოს სამხედრო ისტორიაში — ქართულ ქვედანაყოფს „კოსოვოს ძალების“ (KFOR) შემადგენლობაში.[2] მომდევნო წლებში იყო ეროვნული სასწავლო ცენტრ „კრწანისის“ აღმასრულებელი ოფიცერი. მონაწილეობდა რუსეთ-საქართველოს ომში (2008).
საქართველოს შეიარაღებული ძალებიდან დათხოვნის შემდეგ, 2014 წელს მოხალისედ გაემგზავრა უკრაინაში. მონაწილეობდა ბატალიონ „აზოვის“ ჩამოყალიბებაში და ქალაქ მარიუპოლის დაცვაში.[3] 2016 წლის აპრილში ქუფარაშვილმა დააარსა პოლკოვნიკ ევგენი კონოვალცის სახელობის სერჟანტთა სკოლა და მას 2017 წლის ნოემბრამდე ხელმძღვანელობდა.[4] 2022 წელს რუსეთის უკრაინაში შეჭრის დროს აქტიურად მონაწილეობდა მარიუპოლის დაცვაში. მძიმედ დაიჭრა 2022 წლის მარტის ბოლოს.[5]
სქოლიო[რედაქტირება | წყაროს რედაქტირება]
- ↑ U.S. forces help Georgian army make 'big changes'. Stars and Stripes. June 18, 2005.
- ↑ ლიკლიკაძე, კობა. ქართველი სამხედროები საერთაშორისო ასპარეზზე. რადიო თავისუფლება. აპრილი 13, 2003.
- ↑ АЗОВ поздравляет с праздником друга Георгия - Начальника Военной школы имени полковника Евгения Коновальца. nackor.org. 24.11.2016.
- ↑ ВШК имени полковника Евгения Коновальца 2 года. Поздравляем команду школы!. nackor.org. 17.04.2018.
- ↑ [1]. cnews.ge. 21 მარტი, 2022.