გივი ჩიქვანაია

მასალა ვიკიპედიიდან — თავისუფალი ენციკლოპედია
Jump to navigation Jump to search

გივი ჩიქვანაია (დ. 29 მაისი, 1939, თელავი, საქართველოს სსრ, სსრკ — გ. 2 აგვისტო, 2018, მოსკოვი, რუსეთი[1]) — ქართველი წყალბურთელი, მწვრთნელი. 1964 წელს დაამთავრა თბილისის სახელმწიფო უნივერსიტეტი. გამოდიოდა თბილისისა და მოსკოვის „დინამოს“ გუნდებში. სსრკ სპორტის დამსახურებული ოსტატი, საერთაშორისო კლასის სპორტის ოსტატი, რუსეთის ფედერაციის სპორტის დამსახურებული ოსტატი (2001).

ტიტულები და ჯილდოები[რედაქტირება | წყაროს რედაქტირება]

იყო XVII (1960, რომი) და XIX ოლიმპიადის (1968, მეხიკო) მეორე ადგილის პრიზიორი, ევროპის ვიცე-ჩემპიონი (1962, ლაიფციგი), სსრკ ჩემპიონი (1968, 1969), სსრკ ვიცე-ჩემპიონი (1960, 1962, 1970), სსრკ ჩემპიონატის ბრინჯაოს პრიზიორი (1958, 1964, 1966, 1971, 1972), სსრკ ხალხთა სპარტაკიადის ვიცე-ჩემპიონი (1963), სსრკ ხალხთა სპარტაკიადის ბრინჯაოს პრიზიორი (1959, 1967).

1959–1970 წლებში თამაშობდა სსრკ ნაკრებში. 1975–1984 წლებში იყო მოსკოვის დინამოს მწვრთნელი, 1984–1988 წლებში მოსკოვის დინამოს — მთავარი მწვრთნელი. მისი ხელმძღვანელობით მოსკოველებმა 1985, 1986 და 1987 წლებში სსრკ ჩემპიონატი მოიგეს, ხოლო 1986 და 1987 წლებში — სსრკ თასი. 1988–1994 წლებში იყო თბილისის დინამოს მთავარი მწვრთნელი. 2001 წელს მიენიჭა რუსეთის ფედერაციის სპორტის დამსახურებული ოსტატის წოდება. იყო რუსეთის ფედერაციის დამსახურებული მწვრთნელი.

ძირითადი შედეგები[რედაქტირება | წყაროს რედაქტირება]

წელი ტურნირი მასპინძელი ადგილი
1960 ზაფხულის XVII ოლიმპიური თამაშები რომი, იტალია 2nd
1962 ევროპის ჩემპიონატი ლაიფციგი, გდრ 2nd
1968 ზაფხულის XIX ოლიმპიური თამაშები მეხიკო, მექსიკა 2nd

ლიტერატურა[რედაქტირება | წყაროს რედაქტირება]

  • ენციკლოპედია „თბილისი“, გვ. 934, თბ., 2002;
  • ელგუჯა ბერიშვილი, ქართული სპორტის ოქროს წიგნი, გვ. 246, თბ.: პალიტრა L, 2013.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. დიდი დანაკლისი ქართული წყალბურთისათვის. საქართველოს საწყლოსნო სპორტის სახეობათა ფედერაცია (2 აგვისტო, 2018). წაკითხვის თარიღი: 6 მარტი, 2019.