გეიბ ნიუელი

მასალა ვიკიპედიიდან — თავისუფალი ენციკლოპედია
გეიბ ნიუელი

ნიუელი 2010 Game Developers Conference-ზე
დაბადების თარიღი 3 ნოემბერი, 1962 (1962-11-03) (61 წლის)
სიეტლი, ვაშინგტონი, აშშ
ეროვნება ამერიკელი
აქტიური 1983–დღემდე
ქონება 4.1 მილიარდი ამერიკული დოლარი (2017)[1]
ცნობილია როგორც Valve Corporation-ის თანადამფუძნებელი
პარტნიორ(ებ)ი ლიზა მენეტ ნიუელი (1996-)
შვილ(ებ)ი 2[1]
ჯილდოები BAFTA Fellowship (2013)
AIAS (2013)[2]

გეიბ ლოგან ნიუელი (ინგლ. Gabe Newell; დ. 3 ნოემბერი, 1962), მეტსახელით გეიბენი — ამერიკელი პროგრამისტი და ბიზნესმენი. იგი არის ვიდეო თამაშების მწარმოებელი და ციფრული დისტრიბუციის კომპანიის, Valve Corporation-ის თანადამფუძნებელი და პრეზიდენტი.

გეიბ ნიუელი დაიბადა აშშ-ის ქალაქ სიეტლში. 1980-იანი წლების დასაწყისში იგი სწავლობდა ჰარვარდის უნივერსიტეტში, მაგრამ თავი დაანება სწავლას, რათა ემუშავა ამერიკის ტექნოლოგიურ კომპანია „Microsoft“-ში. მაიკროსოფტში იგი მუშაობდა ოპერაციული სისტემის თავდაპირველ ვერსიაზე.

კომპანიაში მუშაობის პერიოდში გეიბი და მისი თანამშრომელი, მაიკ ჰარინგტონი, მიიზიდა კომპიუტერულმა თამაშებმა, რომლებიც გამოვიდა 1990-იანი წლებში, როგორებიც არის id Software-ის „Doom“ და „Quake“. სრულად დარწმუნებულმა, რომ მომავალში ვიდეო თამაშები გართობის ერთ-ერთ საშუალებად გადაიქცეოდა, და საკუთარი კომპანიის არსებობის ამბიციით შეპყრობილმა ნიუელმა თავის ამხანაგ ჰარინგტონთან ერთად მიატოვა მაიკროსოფტი და 1996 წელს გახდა ვალვის ერთ-ერთი დამაარსებელი, სადაც იგი დღემდე რჩება პრეზიდენტის თანამდებობაზე.

დამატებითი ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 Gabe Newell. ციტირების თარიღი: 18 იანვარი, 2017.
  2. D.I.C.E Special Awards. ციტირების თარიღი: 22 იანვარი, 2017.