გარეჯი საგარეჯო (საფეხბურთო კლუბი)

FC Gareji
დაარსდა	1960
სტადიონი	ცენტრალური სტადიონი, საგარეჯო; (ტევადობა: 2,000)
პრეზიდენტი	ლაზარე დათუნაშვილი
მწვრთნელი	გიორგი მიქაძე
ლიგა	ეროვნული ლიგა
ძირითადი ფორმა	რეზერვის ფორმა

FC Gareji — ქართული საფეხბურთო კლუბი ქალაქ საგარეჯოდან, დაარსდა 1960 წელს. 2025 წლიდან კლუბი ასპარეზობს ეროვნულ ლიგაში.

ისტორია

საბჭოთა პერიოდში, 1960 წელს დაარსებული „გარეჯი“ მრავალი წლის განმავლობაში მონაწილეობდა საქართველოს რესპუბლიკურ ჩემპიონატში. 1990 წლის შემდეგ გუნდმა რამდენიმე სეზონი მეორე და მესამე დივიზიონებში გაატარა.

კლუბის ბოლოდროინდელი წარმატება, 2018 წელს რეგიონულ ლიგაში დაიწყო. აღმოსავლეთის ჯგუფში გამარჯვების შემდეგ, გარეჯიმ იოლად დაამარცხა მესამე ლიგის მოწინააღმდეგე გუნდი ორ მატჩში გამართულ პლეი-ოფში. ახალშექმნილ ლიგა 4-ში დებიუტანტებმა მე-3 ადგილი დაიკავეს, რაც წარმატებად ჩაითვალა. 2020 წელს, მთავარი მწვრთნელის - თენგიზ კობიაშვილის - ხელმძღვანელობით, ახალაღზევებულმა გუნდმა ლიგა 3-ში ლიდერთა შორის დაიმკვიდრა ადგილი და 18 თამაშიდან 14 გამარჯვებით პირველი ადგილი დაიკავა. ამით გარეჯმა რეკორდული სისწრაფით განვლო გზა მეხუთე დივიზიონიდან მეორე ლიგამდე.

მეორე ლიგაში გადასვლის შემდეგ, 2021 წელს, გარეჯი გამარჯვებისთვის იბრძოდა მარტვილის მერანთან ერთად. საბოლოოდ, უპირატესობა მერანმა მოიპოვა, თუმცა გარეჯმა რამდენიმე შთამბეჭდავი გამარჯვება მოიპოვა, მათ შორის 8–0, რაც ლიგა 2-ის ისტორიაში ყველაზე დიდი ანგარიშით მოგება იყო, ამ მატჩში გიორგი ხარებაშვილმა ექვსი გოლი გაიტანა.

2023 წლის სეზონში გუნდი ლიგის ფავორიტად ითვლებოდა, ივნისში კლუბი თერთმეტი ქულით იყო დაწინაურებული. თუმცა კოლხეთი 1913-მა შეძლო სხვაობის აღმოფხვრა და სეზონის ბოლო ტურში საგარეჯოში გამართული გადამწყვეტი მატჩი ფრე 1-1 კოლხეთისთვის ჩემპიონობის მომტანი აღმოჩნდა. გარეჯის შანსი კვლავ რჩებოდა პლეი-ოფის მეშვეობით, მაგრამ სამტრედიასთან 5-4 ჯამური ანგარიშით დამარცხდა. გუნდის თავდამსხმელი ლევან პაპავა 23 გოლით ლიგის საუკეთესო ბომბარდირი გახდა

2024 წლის სეზონში ლევან პაპავამ შედეგი კიდევ უფრო გააუმჯობესა და კვლავ საუკეთესო ბომბარდირი გახდა. იმ წელს კლუბმა ისტორია შექმნა — გადამწყვეტი ეტაპების წარმატებით დაძლევის შემდეგ გუნდი ეროვნული ლიგის საგზურს დაეუფლა, ჩემპიონის ტიტული ხობის კოლხეთთან გასვლაზე 3–2 გამარჯვებით, ერთი ტურით ადრე გაიფორმა.

2025 წლიდან FC GAREJI ქვეყნის ეროვნული ლიგის ჩემპიონატში ასპარეზობს.

სეზონები


წელი	ლიგა	პოზ	თ	მ	ფ	წ	ბ	ქ	შ	თასი
2014/15	მეორე ლიგა აღმ. ჯგუფი	6_/15	28	14	4	10	63-52	46
2015/16	მეორე ლიგა აღმ. ჯგუფი	6_/14	26	14	2	10	64-52	44
2016	მეორე ლიგა ჯგუფი D	3_/8	14	8	0	6	43-34	24	დაქვეითდა
2017	რეგ. ლიგა აღმ. ჯგუფი B	4_/11	24	13	3	8	52-39	42		1/16 ფინალი
2018	რეგ. ლიგა აღმ. ჯგუფი D	1_/11^[ა]	20	15	3	2	84-29	48	აღზევდა	1/16 ფინალი
2019	ლიგა 4	3_/10	27	17	6	4	66-34	57	აღზევდა	1/2 ფინალი
2020	ლიგა 3	1_/10	18	14	1	3	33-17	43	აღზევდა	1/8 ფინალი
2021	ეროვნული ლიგა 2	4_/10	36	15	5	16	52-48	50		1/4 ფინალი
2022		5_/10	28	10	6	12	38-36	36		1/16 ფინალი
2023		2_/10^[ბ]	36	23	7	6	88-38	76		1/8 ფინალი
2024		1_/10	36	19	10	7	77-44	67	აღზევდა	1/4 ფინალი

↑ პლეი-ოფში დაამარცხეს „მარკ სტარსი“, საერთო ჯამში 7–1
↑ პლეი-ოფში „სამტრედიასთან“ დამარცხდნენ, საერთო ჯამში 5–4

შემადგენლობა

2025 წლის 1 აპრილის მონაცემებით^[1]

შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.


№	პოზიცია	ქვეყანა	მოთამაშე
1	მეკარე	საქართველო	ლუკა კუტალაძე
22	მეკარე	საქართველო	გიორგი წივწივაძე
28	მეკარე	საქართველო	ლაშა გურგენიძე
2	მცველი	საქართველო	ბაჩანა მოსაშვილი
3	მცველი	საქართველო	ირაკლი კამლაძე
4	მცველი	საქართველო	სულხან სვიანაძე
5	მცველი	საქართველო	გიორგი გაბაძე
6	მცველი	საქართველო	ჯაბა კასრელიშვილი
15	მცველი	საქართველო	თორნიკე კაპანაძე
8	ნახევარმცველი	საქართველო	თამაზ ცეცხლაძე
12	ნახევარმცველი	საქართველო	ვალერი ოლხოვი
13	ნახევარმცველი	საქართველო	ნიკოლოზ გალახვარიძე


№	პოზიცია	ქვეყანა	მოთამაშე
17	ნახევარმცველი	საქართველო	გიორგი ვეკუა
18	ნახევარმცველი	საფრანგეთი	ფრანკ-ივ ბამბოკი
21	ნახევარმცველი	საქართველო	თორნიკე ძებნიაური
23	ნახევარმცველი	საქართველო	ლუკა თოლორდავა
26	ნახევარმცველი	საქართველო	ილია გულისაშვილი
27	ნახევარმცველი	საქართველო	თეიმურაზ ალექსიძე
9	თავდამსხმელი	საქართველო	გიორგი გოგოლაშვილი
10	თავდამსხმელი	საქართველო	ლევან პაპავა
11	თავდამსხმელი	საქართველო	ვახო ბედოშვილი
19	თავდამსხმელი	კამერუნი	ფრანსუა ეკონგოლო
40	თავდამსხმელი	საქართველო	მათე ქომეთიანი

მწვრთნელები

მწვრთნელი	დან	მდე
დავით კოკიაშვილი	მარტი 2019	ოქტომბერი 2019
დავით მაისურაძე	ოქტომბერი 2019	დეკემბერი 2019
თენგიზ კობიაშვილი	იანვარი 2020	დეკემბერი 2021
კახი გოგიჩაიშვილი	იანვარი 2022	აპრილი 2022^[2]
ნესტორ მუმლაძე (მშ)	აპრილი 2022	მაისი 2022
თემურ მახარაძე	მაისი 2022^[3]	ივნისი 2022
დავით დიღმელაშვილი	ივნისი 2022	სექტემბერი 2022
გიორგი ონიანი	სექტემბერი 2022	ივნისი 2023
დენის ხომუტოვი	ივლისი 2023^[4]	დეკემბერი 2023^[5]
ნესტორ მუმლაძე	იანვარი 2024	მაისი 2024
თენგიზ კობიაშვილი	მაისი 2024

სტადიონი

საფეხბურთო კლუბი საშინაო თამაშებს თამაშობს საგარეჯოს ცენტრალურ სტადიონზე, რომელიც 2000 მაყურებელზეა გათვლილი. სტადიონს რეკონსტრუქცია 2018 წელს ჩაუტარდა.^[6]

იხილეთ აგრეთვე

საქართველოს საფეხბურთო კლუბების სია

რესურსები ინტერნეტში

საგარეჯოს „გარეჯი“ — ეროვნული ლიგის ოფიციალურ საიტზე
FC Gareji — „გარეჯის“ Facebook გვერდი
FC. GAREJI 1960 — „გარეჯის“ YouTube არხი
საგარეჯოს „გარეჯი“ — Lelo.ge

სქოლიო

[1] პლეი-ოფში დაამარცხეს „მარკ სტარსი“, საერთო ჯამში 7–1

[2] პლეი-ოფში „სამტრედიასთან“ დამარცხდნენ, საერთო ჯამში 5–4

[3] საგარეჯოს „გარეჯის“ შემადგენლობა

[4] კახი გოგიჩაიშვილი „გარეჯის“ მწვრთნელი აღარ არის

[5] გარეჯის ახალი მთავარი მწვრთნელი თემურ მახარაძე გახდა

[6] „გარეჯი“ უკრაინელ დენის ხომუტოვს ჩააბარეს

[7] დენის ხომუტოვი „გარეჯის“ მწვრთნელი აღარ იქნება

[8] საგარეჯოში განახლებული სტადიონი ოფიციალურად გაიხსნა

[ა]

[ბ]

[1]

[2]

[3]

[4]

[5]

[6]