გარეული ორკუზიანი აქლემი

მასალა ვიკიპედიიდან — თავისუფალი ენციკლოპედია
Jump to navigation Jump to search
გარეული ორკუზიანი აქლემი
Wild Bactrian camel on road east of Yarkand.jpg
მეცნიერული კლასიფიკაცია
ლათინური სახელი
Camelus ferus (Przewalski, 1878)
დაცვის სტატუსი
Status iucn3.1 CR ka.svgკრიტიკულ საფრთხეში მყოფი
კრიტიკულ საფრთხეში მყოფი
IUCN 3.1 Critically Endangered : 63543
გავრცელება
Camelus ferus distribution.svg

გარეული ორკუზიანი აქლემი, გარეული ბაქტრიანი (ლათ. Camelus ferus) — ძუძუმწოვარი ცხოველი აქლემისებრთა ოჯახისა. მისი სხეულის სიგრძეა 2,25–3,45 მეტრი, მასა 300–690 კილოგრამი.[1] აღმოაჩინა ნიკოლოზ პრჟევალსკიმ 1877 წელს; დღეს გვხვდება მხოლოდ ჩრდილო-დასავლეთ ჩინეთსა და სამხრეთ-დასავლეთ მონღოლეთში (გობის უდაბნო).[1] ბინადრობს ბუჩქნარიან და ღორღიან ადგილებში. შინაურ ორკუზიან აქლემთან შედარებით მსუბუქი აგებულებისაა, აქვს გრძელი კიდურები და ცვალებადი შეფერილობა, კუზიც უფრო მცირე ზომისაა. სიცხესა და სიცივეს კარგად უძლებს, თუმცა სარწყულებლის ნაკლებობას ვერ იტანს, რამაც მნიშვნელოვნად შეამცირა მისი გავრცელების არეალი და რიცხოვნობა. იკვებება უდაბნოს მცენარეულობით. ცხოვრობენ 4–6 სულისაგან შედგარ ჯგუფებად, იშვიათად 15-სულიან ჯოგებად. ახასიათებს შორეული მომთაბარეობები. მეტად აქტიურია დილით და საღამოს. მარტში შობს ერთ ნაშიერს. ადრე ადგილობრივი მოსახლეობის მხრიდან ნადირობის ობიექტი იყო. შეტანილია IUCN-ის წითელ ნუსხაში როგორც გადაშენების კრიტიკული საფრთხის ქვეშ მყოფი სახეობა.[2] ველურ ბუნებაში დარჩენილია 950-მდე ინდივიდი.[2][3] რაოდენობის შემცირების მიზეზებია: ნადირობა, ჰაბიტატის დაკარგვა და შინაურ ცხოველებთაn კონკურენცია საკვების გამო.[1]

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 1.2 Bactrian Camel. Edge of Existence. ციტირების თარიღი: 24 თებერვალი, 2020.
  2. 2.0 2.1 Bactrian Camel. IUCN. ციტირების თარიღი: 24 თებერვალი, 2024.
  3. Wild Bactrian Camels Critically Endangered, Group Says. National Geographic (3 დეკემბერი, 2002). დაარქივებულია ორიგინალიდან - 24 თებერვალი, 2014. ციტირების თარიღი: 24 თებერვალი, 2020.