განვითარებული ქვეყანა

  განვითარებული ქვეყნები (სსფ)

  განვითარებადი ქვეყნები (სსფ)

  ნაკლებად განვითარებული ქვეყნები (გაერო)

  მონაცემები უცნობია

მსოფლიოს ქვეყნების კლასიფიკაცია საერთაშორისო სავალუტო ფონდის და გაეროს მონაცემებზე დაყრდნობით.

განვითარებული ქვეყანა ან მოწინავე ქვეყანა — სუვერენული სახელმწიფო, რომელსაც აქვს ცხოვრების მაღალი ხარისხი, განვითარებული ეკონომიკა და მოწინავე ტექნოლოგიური ინფრასტრუქტურა სხვა ნაკლებად ინდუსტრიულ ქვეყნებთან შედარებით. ქვეყანაზე მსგავსი სტატუსის მინიჭების ერთი დადგენილი წესი არ არსებობს, სწორედ ამიტომ კლასიფიკაცია ყოველთვის სადავოა. სხვადასხვა ორგანიზაცია განსხვავებულ მეთოდოლოგიას იყენებს განვითარებული ქვეყნის გამოსავლენად. მაგალითად, საერთაშორისო სავალუტო ფონდს და მსოფლიო ბანკს განვითარებული ქვეყნების გამოვლენის განსხვავებული კრიტერიუმები აქვთ.

განვითარებულ ქვეყნებს უფრო განვითარებული პოსტ-ინდუსტრიული ეკონომიკა გააჩნიათ, რაც იმას ნიშნავს, რომ მომსახურების სფერო უფრო მეტ სიმდიდრეს იძლევა, ვიდრე მრეწველობა.

კონკრეტული ქვეყნის განვითარების საზომად ხშირად გამოიყენება ადამიანის განვითარების ინდექსი, რომელიც გაეროს მიერ შემუშავებული გამოთვლის მეთოდია.

გაეროს ეკონომიკური და სოციალური დეპარტამენტის მონაცემების მიხედვით, 2024 წლისათვის მსოფლიოში 37 განვითარებული სახელმწიფოა, რომელთაგან 31 ევროპის კონტინენტზე მდებარეობს.

გაეროს ამ დეპარტამენტის მიხედვით განვითარებული ქვეყნების სია შემდეგნაირად გამოიყურება:

•  ავსტრალია
•  ავსტრია
•  აშშ
•  ახალი ზელანდია
•  ბელგია
•  ბულგარეთი
•  გაერთიანებული სამეფო
•  გერმანია
•  დანია
•  ესპანეთი
•  ესტონეთი
•  იაპონია
•  ირლანდია
•  ისლანდია
•  იტალია
•  კანადა
•  კვიპროსი
•  ლატვია
•  ლიეტუვა
•  ლუქსემბურგი
•  მალტა
•  ნიდერლანდები
•  ნორვეგია
•  პოლონეთი
•  პორტუგალია
•  რუმინეთი
•  საბერძნეთი
•  საფრანგეთი
•  სამხრეთი კორეა
•  სლოვაკეთი
•  სლოვენია
•  უნგრეთი
•  ფინეთი
•  შვედეთი
•  შვეიცარია
•  ჩეხეთი
•  ხორვატია