გამჯა-ჯეონი
 | |
| ალტერნატიული სახელები |
კარტოფილის ალადები |
|---|---|
| რიგითობა | აპეტაიზერი |
| წარმოშობის ადგილი | კორეა |
| რეგიონი | განგვონის პროვინცია |
| ტემპერატურა სერვირების დროს | ცხელი |
გამჯა-ჯეონი (კორ. 감자전) ― ჯეონის, ანუ კორეული სტილის ალადების ნაირსახეობა, რომელიც წარმოადგენს წვრილად გახეხილ, დიდ რაოდენობის ზეთში შემწვარ, ოქროსფერ კარტოფილის მასას.
ისტორია
[რედაქტირება | წყაროს რედაქტირება]კარტოფილის კორეაში შეტანის შესახებ ბევრი თეორია არსებობს, თუმცა ისტორიკოსთა აზრით ეს 1824 წელს,[1] ჩინეთ-ჩრდილოეთ კორეის საზღვრიდან ან 1832 წელს გერმანელი მისიონერის, კარლ გიუტცლაფის დამსახურებით მოხდა. კარტოფილი ძირითადად განგვონის პროვინციის ბორცვებსა და მთიანეთში მოჰყავდათ, ამიტომ გამჯა-ჯეონის მომზადება ამ რეგიონის მცხოვრებთათვის სპეციალობად იქცა. გამჯა-ჯეონი ტრადიციულად მხოლოდ კარტოფილის, მარილისა და ზეთისგან მზადდება[2]
მომზადება
[რედაქტირება | წყაროს რედაქტირება]გახეხილ კარტოფილს გემოვნებით შესაძლოა დაემატოს დაჭრილი კარტოფილი, სტაფილო, ჩვეულებრივი ან მწვანე ხახვი, დაჭრილი სოკო და ნიორი, რაც კერძს ფერსა და ხრაშუნა ტექსტურას სძენს. გამჯა-ჯეონი ასევე შეიძლება მოირთოს დაჭრილი, ახალი წითელი ან მწვანე წიწაკით. მას მიირთმევენ სოუსთან ერთად, რომელსაც ჩოგანჯანგი (초간장) ეწოდება და რომელიც სოიოს სოუსისა და ძმრისგან მზადდება.[3]
გალერეა
[რედაქტირება | წყაროს რედაქტირება]
სქოლიო
[რედაქტირება | წყაროს რედაქტირება]- ↑ Siegmund, Felix. Tubers in a Grain Culture დაარქივებული 2015-06-14 საიტზე Wayback Machine. : The Introduction of Sweet and White Potatoes to Choson Korea and Its Cultural Implications. Korean Histories 2.2, 2010
- ↑ Jo Min-jeong (조민정). 강원도식 감자. Patzzi / Lemontree. ციტირების თარიღი: 5.10.25.
- ↑ 감자전. The Chosun Ilbo. ციტირების თარიღი: 5.10.25.