გამრავლება (მათემატიკა)

გამრავლება — არითმეტიკული მოქმედება. გამრავლების აღსანიშნავად ხმარობენ × ან · ნიშნებს. დადებითი მთელი $a$ და $b$ რიცხვების ნამრავლი განისაზღვრება $ab=\underbrace {a+a+\cdots +a} _{b}$ (შესაკრებთა რაოდენობაა $b$) ტოლობით, ${\frac {m}{n}}$ და ${\frac {p}{q}}$ დადებითი წილადი რიცხვების ნამრავლი — ${\frac {m}{n}}\cdot {\frac {p}{q}}={\frac {mp}{nq}}$ ტოლობით. რაციონალური რიცხვების ნამრავლი ეწოდება რიცხვს, რომლის აბსოლუტური სიდიდე ტოლია თანამამრავლების აბსოლუტურ სიდიდეთა ნამრავლისა და აიღება + (პლიუსი) ნიშნით თუ ორივე თანამამრავლი ერთი და იმავე ნიშნისაა, თუ ისინი სხვადასხვა ნიშნისაა - (მინუსი) ნიშნით. ირაციონალურ რიცხვთა ნამრავლი განისაზღვრება მათი რაციონალური მიახლოებების ნამრავლის საშუალებით.

ახარისხება

ახარისხება არის გამრავლების ერთი კონკრეტული შემთხვევა, როდესაც მამრავლი რამდენიმეჯერ მრავლდება თავის თავზე, თუ რამდენჯერ მრავლდება ამას გვიჩვენებს ხარისხის მაჩვენებელი, რომელიც მამრავლის ზევით იწერება: $2\cdot 2\cdot 2=2^{3}$

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 665.

რესურსები ინტერნეტში

• გამრავლება და არითმეტიკული ოპერაციები სხვადასხვა სისტემაში საიტზე cut-the-knot