გაეროს უშიშროების საბჭოს რეზოლუცია 785
 რეზოლუცია 785 | |
|---|---|
 ანგოლა | |
| თარიღი | 31 მარტი, 2021 |
| სხდომა № | 3,130 |
| კოდი | S/RES/785 (დოკუმენტი) |
| თემა | ანგოლა |
კენჭისყრა |
მომხრე: 15 წინააღმდეგი: 0 თავი შეიკავა: 0 |
| შედეგი | მიღებულია |
| უშიშროების საბჭოს შემადგენლობა | |
მუდმივი წევრები |
|
არამუდმივი წევრები |
|
გაეროს უშიშროების საბჭოს რეზოლუცია 785, რომელიც ერთხმად მიიღეს 1992 წლის 30 ოქტომბერს, 696-ე (1991) და 747-ე (1992) რეზოლუციების ხსენებისა და ანგოლაში გაუარესებული პოლიტიკური ვითარებისა და უნიტა(UNITA)-ს მიერ საომარი მოქმედებების განახლების გამო გამოხატული შეშფოთების შემდეგ, საბჭომ დაამტკიცა გენერალური მდივნის, ბუტროს ბუტროს-გალის რეკომენდაცია ანგოლაში გაეროს მეორე საკონტროლო მისიის (UNAVEM II) მანდატის 1992 წლის 30 ნოემბრამდე გაგრძელების შესახებ.
საბჭომ დაგმო საომარი მოქმედებების ყოველგვარი განახლება და მოითხოვა მათი დაუყოვნებლივ შეწყვეტა, ასევე მოუწოდა ყველა სახელმწიფოს, თავი შეიკავონ ქმედებებისგან, რომლებმაც შესაძლოა საფრთხე შეუქმნას ხელმოწერილ სამშვიდობო შეთანხმებებს. მან ასევე დაგმო UNITA-ს რადიოსადგურ „ვორგანის“ მიერ გაჟღერებული „უსაფუძვლო ბრალდებები“ გენერალური მდივნის, სპეციალური წარმომადგენლისა და UNAVEM II-ის წინააღმდეგ, რომელთა მუშაობაც საბჭომ დადებითად შეაფასა.
რეზოლუციამ მხარი დაუჭირა გენერალური მდივნის სპეციალური წარმომადგენლის, მარგარეტ ანსტის განცხადებას, რომლის მიხედვითაც 1992 წლის 29 და 30 სექტემბერს ჩატარებული არჩევნები ზოგადად თავისუფალი და სამართლიანი იყო, და მოუწოდა UNITA-ს და ანგოლის საარჩევნო პროცესის სხვა მონაწილეებს, პატივი სცენ არჩევნების შედეგებს. მან ასევე მოუწოდა დაინტერესებულ მხარეებს დიალოგისკენ, რათა უზრუნველყოფილ იქნეს საპრეზიდენტო არჩევნების მეორე ტურის ჩატარება.
საბოლოოდ, რეზოლუციამ დაავალა გენერალურ მდივანს, 1992 წლის 30 ნოემბრისთვის წარედგინა მოხსენება ანგოლაში არსებული ვითარების შესახებ, გრძელვადიან რეკომენდაციებთან და UNAVEM II-ის მანდატსა და შემადგენლობასთან დაკავშირებულ ფინანსურ გათვლებთან ერთად.