გაეროს უშიშროების საბჭოს რეზოლუცია 606

გაეროს უს; რეზოლუცია 606
	; სამხრეთ აფრიკის სასაზღვრო ოპერაციები
თარიღი	23 დეკემბერი 1987
სხდომა №	2,778
კოდი	S/RES/606 (1987) დოკუმენტი)
თემა	ანგოლა-სამხრეთ აფრიკა
კენჭისყრა	მომხრე: 15 ; წინააღმდეგი: 0 ; თავი შეიკავა: 0
შედეგი	მიღებულია
უშიშროების საბჭოს შემადგენლობა
მუდმივი წევრები	აშშ ; გაერთიანებული სამეფო ; საფრანგეთი ; საბჭოთა კავშირი ; ჩინეთი ;
არამუდმივი წევრები	არგენტინა ; ბულგარეთის სახალხო რესპუბლიკა ; კონგოს რესპუბლიკა ; განა ; იტალია ; იაპონია ; არაბთა გაერთიანებული საამიროები ; ვენესუელა ; დასავლეთი გერმანია ; ზამბია ;

გაეროს უშიშროების საბჭოს რეზოლუცია 606 მიღებულია 1987 წლის 23 დეკემბერს, საბჭომ გაითვალისწინა რეზოლუცია 602 (1987) და გაეცნო გენერალური მდივნის ანგარიშს, რომელიც სწორედ ამ რეზოლუციის საფუძველზე მომზადდა. საბჭომ დაგმო სამხრეთ აფრიკა ანგოლის სახალხო რესპუბლიკის სამხრეთ ნაწილების განგრძობითი ოკუპაციისა და აღნიშნული ტერიტორიიდან საკუთარი ძალების გაყვანის დაყოვნების გამო.

საბჭომ თხოვნით მიმართა გენერალურ მდივანს, გააგრძელოს ჯარების სრული გაყვანის პროცესზე მონიტორინგი, რათა სამხრეთ აფრიკისგან მიიღოს ზუსტი გრაფიკი ამ პროცესის დასასრულებლად. საბჭომ მას ასევე სთხოვა, უმოკლეს ვადებში წარადგინოს ანგარიში ძალების გაყვანის მიმდინარეობასთან დაკავშირებით.

რეზოლუციის პროექტი (606) წარადგინეს არგენტინამ, კონგომ, განამ, არაბთა გაერთიანებულმა საამიროებმა და ზამბიამ. შეხვედრაზე დამსწრე ანგოლის წარმომადგენელმა განაცხადა, რომ მაშინ, როცა სამხრეთ აფრიკა ჯარების გაყვანის შესახებ აცხადებდა, რეალურად ის საკუთარ პოზიციებს ამაგრებდა. ამავდროულად, სამხრეთ აფრიკის თავდაცვის ძალებმა აღნიშნეს, რომ ჯარების გაყვანის განრიგის წარდგენა არ შეეძლოთ.^[1]

რესურსები ინტერნეტში

Text of the Resolution at undocs.org

სქოლიო

↑ United Nations (2000). Repertoire of the practice of the Security Council: supplement 1985–1988. United Nations Publications, გვ. 268. ISBN 978-92-1-137029-4.

[1] United Nations (2000). Repertoire of the practice of the Security Council: supplement 1985–1988. United Nations Publications, გვ. 268. ISBN 978-92-1-137029-4.

[1]