გაეროს უშიშროების საბჭოს რეზოლუცია 252

გაეროს უს რეზოლუცია 252
ისრაელის დროშა
თარიღი	21 მაისი 1968
სხდომა №	1426
თემა	სიტუაცია ახლო აღმოსავლეთში
კენჭისყრა	მომხრე: 13 წინააღმდეგი: 0 თავი შეიკავა: 2
შედეგი	მიღებულია
უშიშროების საბჭოს შემადგენლობა
მუდმივი წევრები	აშშ  გაერთიანებული სამეფო  საფრანგეთი  სსრკ  ჩინეთი
არამუდმივი წევრები	ალჟირი  ბრაზილია  კანადა  დანია  ეთიოპია  უნგრეთი  ინდოეთი  პაკისტანი  პარაგვაი  სენეგალი

გაეროს უშიშროების საბჭოს რეზოლუცია 252 მიიღეს 1968 წლის 21 მაისს, იორდანიის მუდმივი წარმომადგენლის წერილის შემდეგ, ისრაელისა და იორდანიის წარმომადგენლების განცხადებების მოსმენისა და გაეროს გენერალური ასამბლეის რეზოლუციებთან წინააღმდეგობაში მყოფი ისრაელის „შემდგომი ქმედებებისა და ზომების“ აღნიშვნის საფუძველზე. საბჭომ კიდევ ერთხელ დაადასტურა, რომ სამხედრო გზით ტერიტორიის დაპყრობა დაუშვებელია და დაგმო ისრაელის მიერ გაეროს გენერალური ასამბლეის რეზოლუციების შეუსრულებლობა.

საბჭოს შეფასებით, იერუსალიმის სამართლებრივი სტატუსის შეცვლისკენ მიმართული ყველა საკანონმდებლო და ადმინისტრაციული ღონისძიება არაკანონიერია და ვერ გამოიწვევს ქალაქის სტატუსის შეცვლას.

საბჭომ მოუწოდა ისრაელს, დაუყოვნებლივ გაეტარებინა ზომები და შეეკავებინა თავი ნებისმიერი შემდგომი მოქმედებებისგან, რომელიც იერუსალიმის სტატუსის შეცვლას ისახავს მიზნად.

რესურსები ინტერნეტში

• United Nations. docs.un.org. ციტირების თარიღი: 31.07.2025.