გაეროს უშიშროების საბჭოს რეზოლუცია 2023
 რეზოლუცია 2023 | |
|---|---|
 ერიტრეის რუკა | |
| თარიღი | 5 დეკემბერი, 2011 |
| სხდომა № | 6,674 |
| კოდი | S/RES/2023 (დოკუმენტი) |
| თემა | მშვიდობა და უსაფრთხოება აფრიკაში |
კენჭისყრა |
მომხრე: 13 წინააღმდეგი: 0 თავი შეიკავა: 2 |
| შედეგი | მიღებულია |
| უშიშროების საბჭოს შემადგენლობა | |
მუდმივი წევრები |
|
არამუდმივი წევრები |
|
გაეროს უშიშროების საბჭოს რეზოლუცია 2023 ერთხმად მიიღეს 2011 წლის 5 დეკემბერს.
რეზოლუცია
[რედაქტირება | წყაროს რედაქტირება]უსაფრთხოების საბჭო, გამოხატავდა შეშფოთებას იმის გამო, რომ ერიტრეის სამთო-მომპოვებელი სექტორი შესაძლოა გამოეყენებინათ სომალის ნახევარკუნძულის დესტაბილიზაციის ფინანსურ წყაროდ. საბჭომ გადაწყვიტა ამ ქვეყნის მიმართ მოქმედი სანქციების რეჟიმის გამკაცრება, რათა სამთო საქმიანობიდან მიღებული შემოსავლებით არ ესარგებლათ სანქციების დარღვევისა და რეგიონის არასტაბილურობის ხელშეწყობისთვის.
უსაფრთხოების საბჭომ გაეროს წესდების VII თავის საფუძველზე მიიღო რეზოლუცია 2023 (2011) — 13 მომხრეს, წინააღმდეგის გარეშე და 2 თავშეკავებით (ჩინეთი და რუსეთი).
რეზოლუციით საბჭომ ერიტრეას მოსთხოვა, შეეწყვიტა ნებისმიერი პირდაპირი თუ არაპირდაპირი ქმედება, რომელიც სხვა სახელმწიფოების დესტაბილიზაციას ისახავდა მიზნად. ასევე გადაწყდა, რომ სახელმწიფოებს უნდა მიეღოთ შესაბამისი ზომები და განსაკუთრებული სიფრთხილე გამოეჩინათ ერიტრეის სამთო-მომპოვებელ სექტორთან დაკავშირებული საქმიანი ურთიერთობების განხორციელებისას, რათა ამ სექტორიდან მიღებული ფინანსური რესურსები არ გამოყენებულიყო რეგიონული უსაფრთხოებისთვის საზიანო საქმიანობის დასაფინანსებლად.
ამ მიზნით, უსაფრთხოების საბჭომ სომალისა და ერიტრეის საკითხებზე მოქმედ სანქციების კომიტეტს დაავალა, სომალი/ერიტრეის მონიტორინგის ჯგუფის დახმარებით, შეემუშავებინა სათანადო შემოწმებისა და პასუხისმგებლიანი საქმიანობის სახელმძღვანელო პრინციპები, რომელთა გამოყენებაც სახელმწიფოებს ნებაყოფლობით შეეძლებოდათ.
უსაფრთხოების საბჭომ ასევე დაგმო ერიტრეის მიერ საზღვარგარეთ მცხოვრები ერიტრეის მოქალაქეების ე.წ. „დიასპორის გადასახადის“ ამოღების პრაქტიკა, რომელიც, საბჭოს შეფასებით, გამოიყენებოდა სომალის ნახევარკუნძულის რეგიონის დესტაბილიზაციისა და სანქციების რეჟიმის დარღვევისთვის. კერძოდ, აღნიშნული სახსრები, მათ შორის, გამოიყენებოდა იარაღისა და მასთან დაკავშირებული სამხედრო მასალების შესაძენად და შეიარაღებული ოპოზიციური ჯგუფებისთვის გადასაცემად.
უსაფრთხოების საბჭომ ასევე გადაწყვიტა, რომ ერიტრეას უნდა შეეწყვიტა ძალადობის მუქარის, თაღლითობისა და სხვა უკანონო მეთოდების გამოყენება ერიტრეის ფარგლებს გარეთ მცხოვრები საკუთარი მოქალაქეების ან ერიტრეული წარმოშობის სხვა პირებისგან გადასახადების შესაგროვებლად.[1]
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]
| |||||